پرپنا اگراہارامیں دھاندلیوں کی جانچ کیلئے اعلیٰ سطحی ٹیم جیل پہنچی

Source: S.O. News Service | By Shahid Mukhtesar | Published on 16th July 2017, 10:37 AM | ریاستی خبریں | ان خبروں کو پڑھنا مت بھولئے |

بنگلورو،15؍ جولائی(ایس او نیوز) پرپنا اگراہارا سنٹرل جیل میں کچھ قیدیوں کو وی آئی پی سہولیات مہیا کرائے جانے کے عوض رشوت لئے جانے کے متعلق ڈی آئی جی روپا کی طرف سے ڈی جی پی ستیہ نارائن راؤ پر لگائے گئے الزامات کے بعد آج ڈائرکٹر جنرل آف پولیس آر کے دتہ اور اس معاملے کی تحقیقات پر مامور سینئر وظیفہ یاب آئی اے ایس آفیسر ونئے کمار کی قیادت میں اعلیٰ سطحی ٹیم نے پرپنا اگراہارا سنٹرل جیل کا دورہ کیا ، اس موقع پر ڈی جی پی ستیہ نارائن راؤ بھی موجود تھے۔ روپا نے الزام لگایا کہ اے آئی اے ڈی ایم کے کی سربراہ ششی کلانٹراجن اور جعلی اسٹامپ پیپر گھپلے کے ملزم عبدالکریم تیلگی کو جیل میں خصوصی سہولیات دینے کے عوض بھاری رشوت لی گئی ہے۔ ان الزامات کے بعد آج راؤ نے ششی کلا اور عبدالکریم تیلگی کے سیل کا معائنہ کیااور میڈیا سے کچھ بھی کہے بغیر وہاں سے روانہ ہوگئے۔ ڈی آئی جی روپا نے ریاستی حکومت سے مطالبہ کیا ہے کہ ستیہ نارائن راؤ کے خلاف تحقیقات کی جائیں ، کیونکہ انہوں نے ششی کلا نٹراجن سے دو کروڑ روپیوں کی رشوت لی ہے۔ اس دوران یہ بات سامنے آئی ہے کہ جیل میں سخت کارروائی کرتے ہوئے پولیس کی طرف سے جب تلاشی مہم چلائی گئی تو وہاں سے منشیاتی مادہ اور تاش کے پتے وغیرہ برآمد ہوئے۔ پولیس افسران نے گمنامی کی شرط پر اعتراض کیا ہے کہ جیل کے اندر ٹینس بال میں بھرکر منشیاتی مادہ پہنچایا جاتا ہے۔ یہ بھی تحقیقات کے ذریعہ سامنے آیا ہے کہ جیل میں مقید ملزمین کو شراب جیل کے اہم داخلی دروازے سے ہی لے جائی جاتی ہے، اور اسے کوئی نہیں روکتا ، بعض اوقات سختی کی صورت میں جیل کی اس دیوار کے اوپر سے پلاسٹک بوتلوں میں شراب اندر پھینک دی جاتی ہے جو اونچی نہیں ہوتیں۔ عبدالکریم تیلگی کی مالش کیلئے جیل کے تین قیدیوں کو مامور کیاگیا ہے۔ اس کے ساتھ ہی اس کے کمرہ میں ٹی وی منرل واٹر ، کشن ، بستر وغیرہ مہیا کرایا گیا ہے۔ 

ایک نظر اس پر بھی

ہاؤزنگ بورڈ کی طرف سے کنگیری میں فلاٹس کی عمارتیں تیار،مناسب قیمتوں پر انہیں عوام میں فروخت کیاجائے گا: کرشنپا

ریاستی وزیر ہاؤزنگ ایم کرشنپا نے کہاکہ کرناٹکا ہاؤزنگ بورڈ کی طرف سے کنگیری سوریہ نگر، اور بنڈے مٹھ علاقوں میں جدید ترین مکانات کی تعمیر کی جا ئے گی اور انہیں سبسیڈی قیمتوں پر فروخت کیا جائے گا۔

کیفے کافی ڈے پر چھاپوں کے بارے میں سدرامیا خاموش

سابق وزیر اعلیٰ اور بی جے پی لیڈر ایس ایم کرشنا کے داماد سدھارتھ کے مکان اور ان کے کیفے کافی ڈے آؤٹ لیٹ پر انکم ٹیکس محکمہ نے جو چھاپے مارے ان کے متعلق وزیراعلیٰ سدرامیا نے کچھ بھی کہنے سے انکار کردیا۔

ایس ایم کرشنا کو ڈرانے انکم ٹیکس چھاپے مارے گئے: ریونا

ریاستی وزیر ٹرانسپورٹ ایچ ایم ریونا نے سابق وزیر اعلیٰ ایس ایم کرشنا کے داماد سدھارتھ کی رہائش گاہ اور ان کی کمپنی کیفے کافی ڈے پر انکم ٹیکس کے چھاپوں کو ایس ایم کرشنا پر دباؤ ڈالنے بی جے پی کی کوششوں سے تعبیر کیا،

نجی اسپتالوں پر گرفت مضبوط کرنے کیلئے قانون،لیجسلیچر کاخصوصی اجلاس طلب کرنے پر غور

وزیر صحت کے آر رمیش کمار نے کہاکہ نجی اسپتالوں پر گرفت مضبوط کرنے کیلئے جو مسودۂ قانون تیار کیا گیاہے، اسے منظور کرانے کیلئے اکتوبر میں ریاستی لیجسلیچر کا خصوصی اجلاس طلب کئے جانے کا امکان ہے،

بھٹکل میونسپالٹی عمارت پر پتھرائو کے معاملے میں بی جے پی کارکنوں کی گرفتاری پر ناراضگی؛ کل سنیچر صبح نکالی جائے گی ریلی

 بھٹکل ٹائون میونسپالٹی عمارت پر پتھرائو اور توڑپھوڑ کے معاملے میں بی جے پی کارکنوں اور لیڈروں کی گرفتاری پر ناراض بھٹکل بی جے پی  نے کل سنیچر کو شرالی سے بھٹکل تحصیلدار دفتر تک ایک خاموش احتجاجی ریلی نکالنے کا فیصلہ کیا ہے۔

بهٹکل مسلم جماعت قطر کے لئے عہدیداران کا انتخاب؛ مولانا محمد یحیٰ برماور ندوی صدر اور زُبیر خلیفہ سکریٹری منتخب

کل جمعرات 21 ستمبر رات 10 بجے جناب محمد يحیٰ  برماور ندوی صاحب کی رہائش گاہ پر بهٹکل مسلم جماعت قطر کی پہلی انتظامیہ کی میٹنگ منعقد ہوئی جس میں 1439 - 1440 کیلئے  مولانا محمد یحیٰ برماور ندوی صدر اور جناب محمد زبیر خلیفہ سکریٹری منتخب ہوئے۔

مسلم دوست کے ساتھ چائے کی چسکیاں لینے پر بی جے پی لیڈر نے تمانچے رسید کئے

ایک ویڈیو جو وائیرل ہورہا ہے جس میں بی جے پی ویمن وینگ علی گڑ کی لیڈر سنگیتا وارشانی بتایاجارہا ہے کہ ایک لڑکی کو تمانچے رسید کررہے ہیں جس کا تعلق ہندوکمیونٹی سے ہے اور وہ سوال پوچھ رہی ہے لڑکی کے مسلم دوست سے رشتہ کے متعلق۔

بھٹکل میونسپالٹی عمارت پر پتھرائو کا معاملہ؛ گیارہ گرفتار شدگان کو ملی ضمانت

 14 ستمبر کو بھٹکل میونسپالٹی عمارت پر ہوئے پتھرائو اور پولس عملے پر حملے کے بعد پولس نے اب تک جن 15 لوگوں کو گرفتار کیا تھا، اُس میں سے 11 لوگوں کی ضمانت آج جمعرات کو بھٹکل جوڈیشیل میجسٹریٹ فرسٹ کلاس عدالت نے  منظوری دے دی ہے۔

بھٹکل میونسپالٹی عمارت پر توڑ پھوڑ کا معاملہ؛ سنگھ پریوار کے کارکنوں کی گرفتاری کے خلاف انکولہ میں احتجاج۔ بھٹکل چلو ریالی کا اعلان

بھٹکل میں بلدیہ عمارت پر حملے کے بعد توڑ پھوڑ اور سرکای عمارت کو نقصان پہنچانے کے الزام میں جہاں ایک طرف پولیس متعلقہ افراد کو گرفتار کررہی ہے، وہیں پر ضلع کے مختلف مقامات پر اسے ہندو مسلم تفرقہ کا رنگ دیتے ہوئے پولیس پر الزام لگایا جارہا ہے کہ وہ بلاوجہ ہندوؤں کو ہراساں کررہی ...