برسلز30؍اگست(ایس او نیوز ؍آئی این ایس انڈیا) بیلجیم میں آج علی الصباح ایک کار میں سوار متعدد افراد نے دارالحکومت کے شمال میں واقع انسٹی ٹیوٹ آف کریمینالوجی کی عمارت کے ساتھ اپنی کار ٹکرا دی، جس کے بعد انہوں نے اس عمارت کے ایک حصے کو آگ لگا دی۔ اگرچہ اس حملے کے نتیجے میں کوئی جانی نقصان نہیں ہوا لیکن عمارت کا ایک حصہ بری طرح جل گیا ہے۔ پولیس کے مطابق ابھی تک واضح نہیں ہوا ہے کہ یہ ایک دہشت گردانہ کارروائی تھی۔ ایسا امکان ظاہر کیا گیا ہے کہ حملہ آوروں نے اپنے خلاف قانونی شواہد کو ختم کرنے کی خاطر نیشنل کرائم لیبارٹری کو نذر آتش کرنے کی کوشش کی ہے۔