الجزائر کی فوجی عدالت سے اسرائیلی جاسوس کو سزائے موت کا حکم
الجزائر25اپریل ( ایس او نیوز؍آئی این ایس انڈیا )الجزائر کی ایک فوجی عدالت نے اسرائیل کے لیے جاسوسی کے الزام میں قید لائبرین نڑاد لبنانی کو سزائے موت کا حکم دیا ہے۔ عدالت نے سات دیگر ملزمان کو دس دس سال قید کی سزا سنائی ہے۔ ذرائع کے مطابق الجزائر کے گرادیہ شہر میں قائم فوجی عدالت نے لبنان سے تعلق رکھنے والے جاسوسی کے مرکزی ملزم کو شرپسند گروپ تشکیل دینے، الجزائر کے مفادات کو نقصان پہنچانیاور ایک دشمن ملک کو حساس معلومات فراہم کرنے کے الزام کے تحت سزائے موت سنائی۔ دیگر ملزمان کو جاسوسی نیٹ ورک میں شامل ہونے اور ملک کی سلامتی کو نقصان پہنچانے پر دس دس سال قید کی سزا سنائی گئی۔خیال رہے کہ الجزائر کی سیکیورٹی فورسز نے 2017 کے اوائل میں اسرائیل کے لیے جاسوسی کرنے والے ایک نیٹ ورک کا سراغ لگا کر ان کے قبضے سے جدید مواصلاتی آلات سمیت حراست میں لے لیا تھا۔