قاتل نے گوری لنکیش کے بعد کے ایس بھگوان کو مارنے کی سپاری لی تھی ؛ ہندویوواسیناکے لیڈرکے ٹی نوین کمار نے پولس کے سامنے کئے خلاصے
نئی دہلی، 13 مارچ (ایس او نیوز/آئی این ایس انڈیا) گوری لنکیش کو قتل کرنے کے سازش میں ہندویوواسیناکے لیڈرکے ٹی نوین کمارکے بارے میں کئی خلاصے ہوئے ہیں۔تحقیقات میں ایک حیران کن خلاصہ یہ ہوا ہے کہ گوری لنکیش کے قتل میں ان کی کردار سے متاثر ہوکراسے ایک نیاٹارگیٹ میسورکے ایک مصنف کو مارنے کا دیا گیا تھا۔
انڈین ایکسپریس کی ایک خبرکے مطابق بنیاد پرست کے ٹی نوین کمارنے مبینہ طور پر گوری لنکیش کے قتل میں قاتلوں کی مددکی تھی۔ اس کے اس کام سے متاثرہوکر قتل کے سازش کرنے والوں نے اسے میسور کے ایک سینئر مصنف اورکمیونسٹ کے ایس بھگوان کو قتل کرنے کیلئے کہا تھا، جس کے لئے کمارایک بندوق بھی خریدنے والاتھا۔
خیال رہے کہ کے ایس بھگوان ہندوؤں کے مذہبی عقائد پرسخت حملہ کرتے رہے ہیں۔ قابل ذکر ہے کہ 5 ستمبر، 2017 کو اپنے گھر سے باہر گوری لنکیش کو قتل کیا گیا تھا۔ یہ الزام لگایا گیا ہے کہ کمار نے گوری لنکیش کے گھر کی معلومات دی تھی اوراس نے باہر سے آنے والے قاتلوں کو گھر دکھایاتھا۔ ذرائع کے مطابق اگر کمار کو گرفتار کرنے میں ایک ہفتہ کی بھی تاخیرہوجاتی تومجرمین مصنف کے ایس بھگوان کو قتل کرنے میں کامیاب ہوسکتے تھے۔ ایس آئی ٹی نے2 مارچ کو گوری لنکیش کے قتل کے سلسلے میں نوین کمار کو گرفتار کیا گیا تھا۔گرفتاری کے وقت ملزم سے 15 گولیاں برآمد کی گئیں، سی سی ٹی وی فوٹیج میں گوری لنکیش کے گھر کے ارد گردچکرلگاتے دیکھے جانے کے بعدایس آئی ٹی نے اس پرشکنجہ کساتھا۔
کمار کا نارکو ٹیسٹ کرکے پولیس اب اس بات کا پتہ لگانے کی کوشش کرے گی کہ اسے گوری لنکیش کے قتل کی سازش کی کس حد تک معلومات تھی اوراس سے اس کا بیان ملایاجائے گا، تاہم نوین اس طرح کے ٹیسٹ کرانے سے انکار کر رہا ہے۔ ایس آئی ٹی ٹیم کے اہلکار ڈی سی پی ایم این انوچیتھ نے بتایا کہ کے ایس بھگوان کے قتل کی سازش میں آئی پی سی کے تحت قتل کرنے کا مقدمہ اور مجرمانہ سازش کامعاملہ درج ہوگا۔کمار نے آرمس ایکٹ کے تحت ضمانت حاصل کرلی ہے لیکن پولیس اب کئی نئے سنجیدہ دفعات لگاکرضمانت رد کرنے کی اپیل کرے گی۔