عراق سرحد کے نزدیک 10جنگجو ہلاک :ایرانی پاسداران انقلاب
بغداد:11/ اگست (ایس او نیوز/آئی این ایس انڈیا) ایرانی پاسداران انقلاب کے ذریعہ عراق سے ملحق شمال مغربی سرحدی علاقے میں ایک آپریشن کے دوران سنیچر کو 10انتہا پسند مارے گئے۔ یہ اطلاع سرکاری نیوز ایجنسی ارنا نے دی۔ پاسداران انقلاب نے اپنے ایک بیان میں ارنا کو بتایا کہ یہ مسلح انتہاپسند اشنویا سرحدی علاقے سے ملک میں داخل ہونے کی کوشش کررہے تھے جن کا مقصد ملک میں افراتفری مچانا اور گھات لگا کر حملہ کرنے کا تھا جو ایک زبردست تصادم میں مارے گئے۔عراق سے ملحق ایرانی سرحد کے نزدیک ایرانی کرد انتہاپسند اور اسی طرح اسلامی اسٹیٹ کے انتہاپسندوں کے ساتھ کبھی کبھی مڈبھیڑ ہوتی رہتی ہے۔واضح رہے کہ جولائی میں ہوئے پہاڑی سرحدی علاقے کے نزدیک دو مسلح تصادم میں کم از کم سلامتی دستے کے دس جوان اور تین انتہاپسند مارے گئے تھے۔اسی طرح 2017 میں اسلامک اسٹیٹ نے راجدھانی کے جنوب میں واقع ایرانی انقلاب کے قائد آیت اللہ روح اللہ خمینی کے مزار اور تہران میں واقع پارلیمنٹ کی عمارت پر حملہ کیا تھا جن میں 18 افراد ہلاک ہوگئے تھے۔