گیہوں کے ساتھ گھن بھی پستا ہے : غرب اردن میں ہر ماہ اوسطاً 1 یہودی آباد کار ہلاک ہونے لگا

Source: S.O. News Service | By Staff Correspondent | Published on 2nd November 2018, 8:43 PM | عالمی خبریں |

غرب اردن 2نومبر ( آئی این ایس انڈیا ؍ایس او نیوز) فلسطین کے مقبوضہ مغربی کنارے کے علاقوں میں چپے چپے پر اسرائیلی فوج اور پولیس موجود ہے۔ آئے روز درجنوں فلسطینیوں کو حراست میں لیا جاتا اور پکڑ دھکڑ کے علاوہ فلسطینیوں کو شہید کیا جاتا ہے، اس کے باوجود صہیونی دشمن کے خلاف فلسطینیوں کی مزاحمت کی تحریک میں کمی نہیں آئی۔ ایک رپورٹ کے مطابق ہر ماہ اوسطا ایک یہودی آباد کار غرب اردن اردن میں مزاحمتی کارروائیوں میں ہلاک ہو رہا ہے۔اطلاعات کے مطابق اسرائیلی صورت حال پرنظر رکھنے والے القدس ریسرچ سینٹر کی طرف سے جاری کردہ ایک رپورٹ میں کہا گیا ہے کہ غرب اردن کا علاقہ اسرائیلی فوج کی سخت سیکیورٹی کا زون سمجھا جاتا ہے جہاں چپے چپے پر اسرائیلی فوج کی چوکیاں قائم ہیں۔ فلسطینیوں پر نظر رکھنے کے لیے اسرائیلی فوج کی پٹرولنگ پارٹیاں اور چھاپہ مار دستے بھی دن رات سرگرم رہتے ہیں۔ مگر اس کے باوجود اسرائیلی فوج فلسطینیوں کو مزاحمتی کارروائیوں سے باز نہیں رکھ سکی۔ رواں سال کے 10 ماہ میں ایسے لگ رہاہے کہ اسرائیلی فوج آہستہ آہستہ غرب اردن سے اپنی گرفت کھو رہی ہے۔ فلسطینیوں کی طرف سے اسرائیلی فوج اور یہودی آباد کاروں پر حملوں کے تناسب میں اضافہ ہو رہا ہے۔رپورٹ کے مطابق 2018کے دوران اب تک غرب اردن میں یہودی فوج اور آباد کاروں پرحملوں میں اضافہ دیکھا گیا۔ رواں سال فلسطینی مزاحمتی کارروائیوں میں مغربی کنارے میں 11 غاصب صہیونی ہلاک اور 159 زخمی ہوئے۔ اس طرح اوسطا ہر ماہ ایک یہودی آبادکار ہلاک ہوتا رہا ہے۔ رواں سال کے دوران غرب اردن میں کل 4367 مزاحمتی کارروائیاں رجسٹرڈ کی گئیں۔ ان میں فائرنگ کے 40، چاقو کے 33، گاڑیوں تلے روندنے کے 15، دستی بموں کے 53 اور پٹرول بم حملوں کے 262 واقعات شامل ہیں۔ رپورٹ کے مطابق رواں سال کے دوران غرب اردن اور القدس میں 1779 مقامات پر اسرائیلی فوج اور فلسطینیوں میں تصادم ہوا، فلسطینیوں کی جانب سے اسرائیلی فوج پر 1620 بار سنگ باری کی گئی۔ 390 بار یہودی آباد کاروں کی گاڑیوں پر پتھراؤ کیا گیا اور نقاط تماس پر 163 مرتبہ پرتشدد مظاہرے کیے گئے۔

ایک نظر اس پر بھی

ایس بی آئی برطانیہ میں قانونی جنگ میں ٹیکس دہندگان کا پیسہ برباد کر رہا ہے : مالیا 

مسائل میں گھرے شراب کاروباری وجے مالیا نے ایک بار پھر سے قرض لوٹانے کی پیشکش اپنی بات دہرانے کے لئے سوشل میڈیا کا سہارا لیا ہے۔ انہوں نے SBI پر بھارتی ٹیکس دہندگان کا پیسہ برطانیہ میں مقدمے پر برباد کرنے کا الزام لگایا۔ برطانیہ کے ہائی کورٹ نے 63 سالہ مالیا کے لندن کے بینک اکاؤنٹ ...

تھائی لینڈ میں نوجوان جرمن خاتون سیاح کا ریپ کے بعد قتل

تھائی لینڈ میں جرمنی سے تعلق رکھنے والی ایک نوجوان خاتون سیاح کو ریپ کے بعد قتل کر دیا گیا۔ تھائی پولیس نے ایک مبینہ ملزم کو گرفتار کر لیا ہے، جس نے اس چھبیس سالہ سیاح کو ریپ کے بعد قتل کرنے کا اعتراف بھی کر لیا ہے۔تھائی لینڈ کے دارالحکومت بنکاک سے پیر آٹھ اپریل کو ملنے والی جرمن ...

جنگ مسلط کردہ یمن میں ہیضہ کی وبا، ویکسین رسائی کی منتظر

جنگ زدہ ملک یمن میں ہیضے کی ہلاکت خیز وبا کئی ملین افراد کو متاثر کر چکی ہے لیکن اقوام متحدہ کے اہلکاروں کو اب تک ادویات پہنچانے کی اجازت نہیں مل پائی۔یمن میں لاکھوں افراد ہیضے کے مرض میں مبتلا ہیں اور اب بھی ہر روز ہزاروں نئے کیسز سامنے آ رہے ہیں۔ سن 2017 کے موسم گرما میں اقوام ...

بوئنگ 737 طیاروں کے سافٹ ویئر کو مزید بہتر بنانے کی منظوری

 امریکی فیڈرل ایوی ایشن ایڈمنسٹریشن (ایف اے اے) نے بوئنگ 737 میکس طیاروں کے سافٹ ویئر کو بہتر بنانے اور پائلٹوں کی تربیت میں تبدیلی کی منظوری دے دی ہے۔ یہ رپورٹ مقامی میڈیا نے دی ہے۔ دو بڑے حادثوں کے بعد کئی ممالک نے ان طیاروں کی پرواز پر روک لگا دی ہے۔