ದುಬೈ, ಸೆ ೫: ಈ ವರ್ಷ ಖಾಸಗಿ ವಲಯದ ಸಂಸ್ಥೆಗಳಿಗೆ ಸೆ 11 ರಿಂದ 13ರ ವರೆಗೆ ರಜೆ ಘೋಷಿಸಲಾಗಿದೆ. 
 
ಈ ಘೋಷಣೆಯನ್ನು ಮಾನವ ಸಂಪನ್ಮೂಲ ಮತ್ತು ಎಮಿರೈಟೇಸೇಷನ್ ಸಚಿವ ಸಖರ್ ಘೋಬಷ್ ರವರು ಭಾನುವಾರ ಪ್ರಕಟಿಸಿದ್ದಾರೆ. 

ಈ ಸಂದರ್ಭದಲ್ಲಿ ನಾಡಿನ ನಾಯಕರಿಗೆ ಅಭಿನಂದಿಸಿದ ಅವರು ಸರ್ಕಾರಿ ವಲಯ ಅಥವಾ ಪಬ್ಲಿಕ್ ಸೆಕ್ಟರ್ ನ ಉದ್ಯೋಗಿಗಳಿಗೆ ಸೆ. 11 ರಿಂದ ಒಂದು ವಾರದ ರಜೆಯನ್ನೂ ಘೋಷಿಸಿದ್ದಾರೆ. ಖಾಸಗಿ ವಲಯ ಸೆ 14 ರಂದು ಪುನರಾರಂಭಗೊಂಡರೆ ಸರ್ಕಾರಿ ವಲಯ ಸೆ 18ರಂದು ಪ್ರಾರಂಭಗೊಳ್ಳುತ್ತದೆ. 

ಈ ವರ್ಷದ ಈದ್ ಅಲ್ ಅಧಾ ಹಬ್ಬ ಸೆ 12ರಂದು ಆಚರಿಸಲಾಗುವುದು.

ಸೆ. 2, ಶುಕ್ರವಾರ ಹಿಜ್ರಿ ದು ಅಲ್ ಖಾಇದ ತಿಂಗಳ ಕೊನೆಯ ದಿನವಾಗಿದ್ದು ಸೆ 3 ರಂದು ದು ಅಲ್ ಹಿಜ್ಜಾ ತಿಂಗಳು ಪ್ರಾರಂಭಗೊಳ್ಳುತ್ತದೆ. ಐದು ದಿನಗಳ ಹಜ್ ಕರ್ಮ ದು ಅಲ್ ಹಿಜ್ಜಾ ತಿಂಗಳ ಒಂಭತ್ತನೆಯ ತಾರೀಖಿನಿಂದ ಪ್ರಾರಂಭಗೊಳ್ಳುತ್ತದೆ.