کولکاتہ، 11 دسمبر (آئی این ایس انڈیا)مغربی بنگال کی وزیر اعلی ممتا بنرجی نے بدھ کو کہا کہ ملک کا تنوع تکثیرت اور وحدت میں کثرت کا ہے اوریہاں کے لوگ ذات، عقیدہ اور مذہب کی بنیاد پر نہیں بٹے ہوئے ہیں۔ واضح ہو کہ ان کا یہ بیان ایسے وقت میں آیا ہے جب راجیہ سبھا میں شہریت (ترمیمی بل پر بحث چل رہی ہے۔ اس نام نہاد متنازعہ بل میں پاکستان، بنگلہ دیش اور افغانستان میں مذہبی طور پر مبینہ طور پر ظلم کے شکار غیر مسلموں کو ہندوستانی شہریت دینے کا قانون ہے۔بنرجی نے بنگال بزنس کانفرنس میں کہا کہ ملک کی روح میں تکثیریت میں وحدت ہے اور ہم لوگوں کو ذات، عقیدہ اور مذہب کی بنیاد پر تقسیم نہیں کرتے،ہم  اتحاد پر کلی یقین رکھتے ہیں۔ ہم ایک خاندان ہیں اور یہاں مقیم کوئی بھی شخص یہ نہیں کہہ سکتا ہے کہ وہ محروم ہے۔واضح ہو کہ کانفرنس میں بنگلہ دیش، بھوٹان، برطانیہ، پولینڈ، امریکہ، آسٹریلیا، تھائی لینڈ، روس، اٹلی اور چین سمیت 28 ممالک کے نمائندے حصہ لے رہے ہیں۔