نئی دہلی،16/جنوری (آئی این ایس انڈیا) دہلی این سی آر میں آج صبح شدید کہرا چھایا رہا۔ اسی وجہ سے غازی آباد میں ایسٹرن پیریفرل ایکسپریس وے پر 25 گاڑیاں آپس میں ٹکرا گئیں۔ اس واقعے میں ایک شخص کی موت ہوگئی ہے اور متعدد افراد زخمی ہوگئے ہیں۔ چھوٹی اور بڑی گاڑیاں اس حادثے میں شامل ہیں۔

واضح رہے کہ آج صبح دہلی-این سی آر میں شدید کہرا رہا۔ اسی وجہ سے مشرقی پیریفیرل ہائی وے پر بہت ساری چھوٹی اور بڑی گاڑیاں آپس میں ٹکرا گئیں۔ یہ حادثہ مشرقی پیریفیرل ہائی وے پر لمبے جام کی وجہ ہوا۔ بعدازاں پولیس موقع پر پہنچی اور جام کو ہٹا یا۔ واضح رہے کہ حادثے کی وجہ سے بہت سی ٹرینیں سڑک پر قطار میں کھڑی رہیں۔ ان گاڑیوں کو کرینوں کی مدد سے نکالا گیا۔ اس حادثے میں ایک شخص کی موت ہوگئی ہے۔ جبکہ متعدد افراد زخمی ہوئے ہیں۔ زخمیوں کو مقامی اسپتال میں داخل کرایا گیا ہے۔ یہ حادثہ گریٹر نوئیڈا کے علاقے کاسنا پولیس اسٹیشن کے ایسٹرن پیریفرل ایکسپریس وے پر پیش آیا۔ کہرے کے دوران پولیس نے لوگوں کو خبردار کیا ہے کہ وہ بہت احتیاط سے گاڑیاں چلائیں۔

پولیس نے کہا ہے کہ اگر ممکن ہو تو اس وقت سفر کرنے سے گریز کریں، لیکن اگر آپ کو گھر سے نکلنا ہی ہے تو راستے میں بائیں چلیں ہے، ڈیپر کا استعمال کریں اور گاڑی آہستہ آہستہ چلائیں۔ واضح رہے کہ محکمہ موسمیات نے پیش گوئی کی ہے کہ آئندہ چند دنوں تک دہلی-این سی آر میں کہرے کا قہر جاری رہے گا۔