اگرافسران نے غیر ذمہ دارانہ رویہ نہیں بدلا تو سرسی کے ’نمرتی کیندرا‘ کو بند کرنے کی سفارش کی جائے گی۔ ڈی سی ہریش کمار کی وارننگ

Source: S.O. News Service | By I.G. Bhatkali | Published on 23rd July 2019, 9:49 PM | ساحلی خبریں |

سرسی 23/جولائی (ایس او نیوز) سرسی کے مِنی ودھان سودھامیں مختلف محکمہ جات کے افسران کے ساتھ منعقدہ ترقیاتی جائزہ میٹنگ میں ضلع ڈپٹی  کمشنر ڈاکٹر  ہریش کمار نے حکومت کے تعمیراتی مرکز ’نمرتی کیندرا‘ کے افسران کو وارننگ دیتے ہوئے کہا کہ اگر انہوں نے اپنا غیر ذمہ دارانہ رویہ نہیں بدلا تو پھر اس مرکز کو بند کرنے کے لئے حکومت سے سفارش کی جائے گی۔

 معلوم ہوا ہے کہ ڈی سی میٹنگ کے دوران نمرتی کیندرا کے کام کا جائزہ پیش کرنے کو کہا تھاتو جونیئر انجینئر ضروری تفصیلات پیش کرنے میں ناکام رہا۔ اس پر اپنی برہمی کا اظہار کرتے ہوئے ڈی سی ہریش کمار نے کہا کہ جب جائزہ میٹنگ میں شرکت کے لئے آتے ہوتو پھرترقیاتی کاموں سے متعلق تمام ضروری تفصیلات کے ساتھ حاضر ہونا چاہیے۔ورنہ ایسی میٹنگ میں افسران کو شریک ہونے کی ضرورت نہیں ہے۔

 بتایاجاتا ہے کہ ’نمرتی کیندرا‘ کے تحت 182منصوبوں کی تکمیل ہونی چاہیے تھی۔ لیکن ان میں سے 95منصوبوں پر ابھی کام کا آغاز ہی نہیں ہوا ہے۔ 77منصوبوں پر کام چل رہا ہے،جبکہ 10منصوبوں کے لئے مناسب جگہ نہ ملنے کا مسئلہ کھڑا ہوا ہے۔اس طرح اس مرکز کی کارکردگی بالکل غیر اطمینان بخش ہونے پر ڈپٹی کمشنرکو برہم ہونا پڑا تھا۔

ایک نظر اس پر بھی

منڈگوڈ میں تبت کے روحانی پیشوا دلائی لامہ  : دھرم کے نا م پر فساد ات میں اضافہ قابل تشویش

بودھ کا مطالعہ مسلسل کریں گے تو ہی اگلی صدی تک بودھ دھرم کی تہذیب کا عام ہونا ممکن ہے، صدیوں سے جاری نالندہ کی روایات کا تحفظ کرتے ہوئے اس کی پرورش جاری رکھنا فخر کی بات ہے۔  تبت کے دھرم گرو دلائی لامہ نے ان خیالات کااظہار کیا۔

کاروار میں  بحرہ ٔ عرب کا  ساحل 175میٹر پیچھے !: آبی حیات کے لئے خطرے کی گھنٹی

1932کے بعد بحرہ ٔ عرب 175میٹر پیچھے چلا گیا ہے اور زمین پر ریت لاکر انڈیل دی ہے، جس کے نتیجےمیں کاروار شہر کے اطراف قریب 150ہیکٹر زمینی علاقہ بن گیا ہے۔ ان حالات کی وجہ سے آبی حیات کو خطرہ درپیش ہونے کا ماہرین نے انتباہ دیاہے۔

گلف کمیٹی شمشی کے زیراہتمام دبئی میں گیٹ ٹو گیدر کا انتظام

ہوناور کے شراوتی ندی کنارے بسا ایک خوبصورت چھوٹا سا گاؤں  شمشی سے روزگار کے لئے یونائیٹیڈ  عرب ایمریٹس(یو اے ای )  آکر مقیم   ممبران کے لئے’ گلف کمیٹی شمشی‘ کے زیر اہتمام  دبئی کے الراشیدیہ پارک میں 13دسمبر 2019بروز جمعہ کو گیٹ ٹو گید ر کا انتظام کیاگیا تھا۔

بھٹکل انجمن حامئی مسلمین کی سبکدوش انتظامیہ سے نئی انتظامیہ کے لئے 10ارکان منتخب

انجمن حامئی مسلمین بھٹکل کی سبکدوش ہونے والی مجلس انتظامیہ سے نئی مجلس انتظامیہ 2020-2024تک کے لئے 10اراکین کا انتخاب 14دسمبر 2019بروز سنیچر کو عمل میں آیا ۔ انجمن کے ناظم انتخابات محمد اسحق شاہ بندری کی طرف سے جاری کردہ پریس ریلیز کے مطابق کل 95.5فی صد پولنگ ریکارڈ کی گئی ۔ سبکدوش ...