بیلگاوی، 19/اگست (ایس او نیوز/ایجنسی) ضلع کے نیپانی تعلقہ میں فوج میں بھرتی کے امتحان میں بار بار ناکامی سے دلبرداشتہ 24سالہ نوجوان نے مبینہ طور پر خودکشی کرلی جس کی شناخت اپاسو شیواجی پانڈے کی حیثیت سے کی گئی۔

پولیس ذرائع کے مطابق فوج میں بھرتی ہونا بچپن سے ہی نوجوان کا خواب تھا اور اس کے لیے وہ تیاری کررہا تھا۔ساتھ ہی وہ دو سالوں سے مہاراشٹرا کی ایک خانگی فیکٹری میں بھی ملازمت کررہا تھا۔تاہم فوج میں بھرتی ہونے کی کئی کوششوں کے باوجود وہ ناکام رہا۔ناکامی سے دلبرداشتہ ہو کر اس نے اپنے مکان میں پھانسی لگالی۔