بینگلورو میں خطر ناک وھیلنگ کر نے والے افراد کے خلاف سخت کارروائی کی جائے:اے ڈی جی پی الوک کمار
بینگلورو، 20/جولائی(ایس او نیوز/ایجنسی) بینگلورو شہر کی مضافات سمیت ریاست کے مختلف علاقوں میں خطرناک وھیلنگ کے معا ملات میں اضافہ ہو نے لگا ہے،جس کے پیش نظر ٹرافک اور روڈ سیفٹی شعبہ کے اڈیشنل ڈائرکٹر جنرل آف پولیس الوک کمار نے پولیس افسران کو ہدایت دی کہ وہ وھیلنگ کرنے والے نوجوانوں پر کڑی نظر رکھیں اور اس میں ملوث افراد کے خلاف سخت قانونی کارروائی کریں۔
انہوں نے بتا یا کہ حالیہ دنوں میں ریاست کے مختلف علاقوں اور بنگلور شہر کی مضافات کے رنگ روڈ،نائس روڈ،ایر پورٹ روڈ، ہوسکوٹہ روڈ،بینگلورو۔ بیلگاوی شاہراہ، بینگلور۔ میسورو ایکسپرس وے، میسور رنگ روڈ میں چند دو پہیہ گاڑیوں کے سوار خطرناک طریقے سے وھیلنگ کر رہے ہیں۔ایسے افراد کے خلاف سخت کارروائی کرتے ہو ئے معا ملات درج کرنے اور ان کے ڈرائیونگ لائسنس (ڈی ایل) ضبط کر نے اور بار بار اسی طرح کی حرکت کرنے پر ان کا ڈی ایل منسوخ کرنے محکمہ ٹرانسپورٹ کو سفارش کرنے پولیس افسران کو ہدایت دی ہے۔انہوں نے بتا یا کہ خطرناک وھیلنگ کئے جانے کی ویڈیو سوشیل میڈیا پر اپ لوڈ کی جارہی ہے،اس کو سنجیدگی کے ساتھ لے کر ایسے افراد کی نشاندہی کر کے ان کے خلاف سخت قانونی کارروائی کرنے ٹرافک شعبہ کے جوائنٹ پولیس کمشنر کو ہدایت دی گئی ہے۔