نئی دہلی :17 /اپریل(ایس اونیوز /آئی این ایس انڈیا) لوک سبھا انتخابات 2019 کی سیاسی جنگ جاری ہے، راہل گاندھی کے بیان پر سشیل مودی کی طرف سے ہتک عزت کی دھمکی کو لے کر تیجسوی یادو ان کے خلاف مسلسل حملہ آور ہورہے ہیں۔بدھ کو سشیل مودی پر حملہ بولتے ہوئے تیجسوی یادو نے ایک بار پھر انہیں چور کہا ہے اورکہاہے کہ ملک کا لاکھوں کروڑ روپیہ لوٹ کر بھاگنے اولے اور بھگانے والے ایک ہی ذات برادری کے ہیں۔تیجسوی کا یہ بیان مودی کی طرف اشارہ بھی سمجھا جا رہا ہے۔تیجسوی نے ایک بعد ایک کئی ٹویٹ کرکے سشیل مودی پرحملہ بولا۔ساتھ ہی انہوں نے نتیش کمار پر بھی حملہ بولتے ہوئے کہا کہ بہار میں آر ایس ایس کے اصل ووٹرنتیش کمار ہی ہیں۔ تیجسوی یادو نے سشیل مودی پر نشانہ لگاتے ہوئے سب سے پہلے ٹویٹ کیا کہ ملک کا لاکھوں کروڑ روپیہ لوٹاکر بھگانے والے اور بھاگنے والے ایک ہی ذات برادری کے ہیں۔ان بھگوڑے ڈکیتوں اور چور،ڈاکوؤں میں ایک بھی دلت پسماندہ،قبائلی اور مسلمان نہیں ہے۔تیجسوی یادو نے پھر ایک ٹویٹ کر سشیل مودی کو گھیرا اور لکھاچور سشیل مودی ہار کودیکھ کربوکھلا گئے ہیں۔ذہنی دیوالیہ پن حد پار کر رہے ہیں۔لالو جی آر ایس ایس سے ملے ہوئے ہیں۔ارے، لالو جی وہ ہیں جنہوں نے سنگھیوں کی ناک میں رسی پہنائی ہے۔ آر جے ڈی لیڈر تیجسوی نے نتیش کمار پر بھی حملہ کیاکہ انہوں نے لکھاکہ نتیش جی آر ایس ایس کی گود میں لیٹ کر دودھ پی رہے ہیں۔