بھٹکل 5/ ستمبر (ایس او نیوز) یہاں کے مشہور پی ایل ڈی بینک کے بورڈ آف ڈائریکٹرس کے صدر کے طور پر سابق ایم ایل اے سنیل بی نائک اور نائب صدر کے طور پر سریش جٹّیا نائک بلا مقابلہ منتخب ہوگئے ۔

 خیال رہے کہ بورڈ آف ڈائریکٹرس کے لئے 13 اگست کو انتخابات منعقد ہوئے تھے اور ووٹوں کی گنتی 27 اگست کو کی گئی تھی ۔ اس انتخاب میں سنیل بی نائک کی پوری ٹیم کو کامیابی ملی تھی اور ان کے مقابلے میں انتخاب لڑنے والے کسی بھی امیدوار کو جیت نہیں ملی تھی ۔

 اب جو بورڈ آف ڈائریکٹر کے صدر اور نائب صدر کا انتخاب ہوا ہے تو سنیل نائک کو پھر ایک بار صدر بنایا گیا ہے ۔ اس طرح مسلسل تیسرے بار وہ اس بینک کے صدر بننے میں کامیاب ہوئے ہیں ۔ 

انتخاب کے موقع پر کوآپریٹیو سوسائٹیز کے اسسٹنٹ رجسٹرار دفتر کے آفیسر بھاسکر نائک الیکشن کمیشن کے طور پر میٹنگ میں حاضر تھے ۔ اس کے علاوہ بینک کے جنرل منیجر رام پجاری، بینک کے ڈائریکٹرس موجود تھے ۔