بینگلورو، 15/اگست(ایس او  نیوز/ایجنسی) کرناٹک کے نائب وزیر اعلیٰ ڈی کے شیوکمار نے کہا کہ ڈاکٹر شیورام کارنت لے آؤٹ کیلئے زمین فراہم کرنے والے کسانوں اور مالکان کو ترجیحی بنیاد پر معاوضہ جاری کیا جائے گا۔ ڈاکٹر شیورام کارنت لے آؤٹ کادورہ کر تے ہو ئے یہاں جاری تعمیراتی کاموں کا معائنہ کر نے کے بعد اخباری نمائندوں سے بات کر تے ہو ئے نائب وزیر اعلیٰ نے اس بات کی جانکاری دی۔

انہوں نے بتا یا کہ لے آؤٹ میں رہائش کے ساتھ ساتھ تجارتی سرگرمیوں کو بھی موقع فراہم کیا جانا چاہئے، جس سے بنگلور ڈیولپمنٹ اتھارٹی(بی ڈی اے) اور حکومت کو فائدہ پہنچنے والی پالیسی مرتب کرنے کے لئے افسران کو ہدایت دی ہے۔ پارک، عوام کو بنیادی سہولتوں سے آراستہ رہائش اور اسٹیڈیم کے لئے مختص45ایکڑ زمین تجارتی سرگرمیوں کے لئے آسانی فراہم کرنے کے مقصد سے سڑک کی توسیع ضروری ہے۔انہوں نے  مزید بتا یا کہ 45میٹر سڑک سے قریب کسی کو بھی سائٹ تقسیم نہ کر تے ہو ئے اس کو تجارتی سرگرمیوں کے لئے استعمال ہو نا چاہئے۔ سڑک کے کنارے پارک ہونے والی جگہ پر اسٹیڈیم ہونا چاہئے،سامنے میٹرو روٹ آنے پر اس کے بازو اسٹیڈم رہنا بہتر ہوگا،اس کے لئے انہوں نے افسران کو ہدایت دی ہے۔ انہوں نے بتا یا کہ لے آؤٹ میں سائٹ تقسیم کرنے کو اولین ترجیحی دی جائے گی، سائٹ تقسیم ہو نے کے بعد بقیہ کام جاری رہے گا۔انہوں نے بتا یا کہ فی الوقت2,500ایکڑاراضی پر کام جاری ہے،بقیہ جگہ کے متعلق محکمہ محصولات کے افسران کے ساتھ تبا دلہ خیال کر کے قانون کے مطابق کام کر نے کی کوشش کی جائے گی۔

نائب وزیر اعلیٰ نے بتا یا کہ لے آؤٹ کی تعمیر کے لئے جن کسانوں نے اراضی فراہم کی ہے انہیں بہتر معاوضہ ملنا چاہئے،انہیں انصاف فراہم کرنے کی ہر ممکنہ کوشش کریں گے۔انہوں نے بتا یا کہ سپریم کورٹ کی ہدایت کے مطابق انہیں سائٹ تقسیم کئے جائیں گے،سپریم کورٹ کے حکم کے خلاف کو ئی اقدام نہیں کیا جائے گا۔

اس موقع پر نائب وزیر اعلیٰ نے فیری فیرل رنگ روڈ کے رابطہ سڑک کا بھی معائنہ کیااور کہا کہ لے آؤٹ سے قریب آئی ٹی ہب تعمیر کر نے کیلئے ز مین مختص کرنے افسران کو ہدایت دی۔اس موقع پر بی ڈی اے کے انتظامیہ افسر راکیش سنگھ، کمشنرجے کمار نائک اور شانتا راجنا حاضر رہے۔