’فلائنگ سکھ‘ ملکھا سنگھ کا 91 برس کی عمر میں انتقال، کورونا سے متاثر تھے

Source: S.O. News Service | Published on 19th June 2021, 12:33 PM | ملکی خبریں |

نئی دہلی، 19؍ جون (ایس او نیوز؍ایجنسی) ہندوستان کے عظیم ایتھلیٹ ملکھا سنگھ کا 91 سال کی عمر میں انتقال ہو گیا۔ ملکھا سنگھ کچھ دن پہلے کورونا سے متاثر ہوئے تھے اور اسپتال میں داخل تھے۔ ان کی کورونا رپورٹ نگیٹیو آ چکی تھی لیکن گزشتہ رات ان کی طبیعت اچانک خراب ہو گئی۔ انہیں تیز بخار تھا اور ان کا آکسیجن لیول بھی کافی گر گیا تھا۔ ملکھا سنگھ کے بیٹے نے سماجی رابطوں کی ویب سائٹ ٹوئٹر پر اپنے والد کی موت کی تصدیق کی ہے۔

خیال رہے کہ 5 روز قبل ہی ملکھا سنگھ کی اہلیہ اور ہندوستانی والی بال ٹیم کی سابق کپتان نرمل کور بھی انتقال کر گئیں تھیں۔ وہ کورونا سے متاثر تھیں اور انہوں نے اتوار کی شام 4 بجے آخری سانس لی۔ ان کی آخری رسومات اتوار کے روز چنڈی گڑھ میں ادا کی گئیں۔

ملکھا سنگھ 1935 میں پیدا ہوئے تھے۔ انہیں ’دی فلائنگ سکھ‘ کے نام سے جانا جاتا ہے۔ سابق ایتھلیٹ نے پہلے ہندوستانی فوج اور پھر ہندوستان کی نمائندگی کی اور کئی بین الاقوامی مقابلوں اور اولمپکس میں بھی حصہ لیا۔

وزیر اعظم نریندر مودی نے ملکھا سنگھ کے انتقال پر افسوس کا اظہار کیا ہے۔ انہوں نے ٹئوٹ کیا، ’’ہم نے ایک عظیم کھلاڑی کو کھو دیا ہے۔ ہندوستاینوں کے دل میں ملکھا سنگھ کے لئے خاص مقام تھا۔ انہوں نے اپنی شخصیت سے لوگوں کا راہ دکھائی تھی۔ میں ان کے انتقال سے بہت دکھی ہوں۔‘‘

واضح رہے کہ ملکھا سنگھ کی کووڈ رپورٹ بدھ کے روز نگیٹیو آئی تھی، جس کے بعد انہیں کووڈ آئی یو سے عام آئی سی یو میں منتقل کر دیا گیا تھا۔ لیکن جمعرات کو ان کی طبیعت کافی بگڑ گئی۔ اسی ہفتہ ان کی 85 سالہ اہلیہ نرمل کور کا بھی انتقال ہوا ہے۔ ملکھا سنگھ اس وقت پی جی آئی اسپتال کے آئی سی یو میں داخل تھے اور اپنی اہلیہ کی آخری رسومات میں شامل نہیں ہو سکے۔

ایک نظر اس پر بھی

پی ایم مودی کی میٹنگ سے نتیش اور چندرشیکھر راؤ رہے غائب

وزیر اعظم نریندر مودی نے اتوار کے روز نیتی آیوگ کی ساتویں گورننگ کونسل کی میٹنگ کی صدارت کی۔ یہ میٹنگ اتوار کو دہلی میں راشٹرپتی بھون کے کلچرل سنٹر میں منعقد ہوئی۔ میٹنگ میں کئی ریاستوں کے وزرائے اعلیٰ نے شرکت کی، لیکن دو بڑے لیڈران یعنی بہار کے وزیر اعلیٰ نتیش کمار اور ...

پارتھا چٹرجی کے 50 بینک کھاتوں کا انکشاف

 انفورسمنٹ ڈائرکٹوریٹ (ای ڈی) نے جو کروڑہا روپئے مالیتی اساتذہ بھرتی اسکام کی تحقیقات کررہا ہے، اس نے پارتھا چٹرجی اور ان کی معاون ارپیتا مکرجی کے کم از کم 50 بینک کھاتوں کا پتہ چلایا ہے، جو وہ انفرادی طور پر یا مشترکہ طور پر چلاتے تھے۔

فضائیہ کے سربراہ نے بنگلورو میں دیسی طیارے کی پرواز بھری

 فضائیہ کے سربراہ (سی اے ایس) ایئر چیف مارشل وی آر چودھری، بنگلورو کے دو روزہ دورے پر تھے۔ انھوں نے تین مقامی پلیٹ فارمز، ہلکا لڑاکا طیارہ (ایل سی اے) تیجس، ہلکا لڑاکا ہیلی کاپٹر (ایل سی ایچ) اور ہندوستان ٹربو ٹرینر -40 (ایچ ٹی ٹی-40) کی پروازیں بھریں، جنھیں آتم نربھر کے تئیں اپنی ...