کولکاتہ، 14 جون(ایس او نیوز/آئی این ایس انڈیا) ڈاکٹروں کی ہڑتال سے گھری مغربی بنگال کی وزیر اعلی ممتا بنرجی نے جمعہ کو اپوزیشن پارٹیوں پر حملہ بولنے کے لئے ’بنگلہ کارڈ‘ کھیلا۔باہر والوں کے بہانے بی جے پی پر نشانہ لگاتے ہوئے ممتا نے کہا کہ اگر آپ بنگال میں ہیں تو آپ کو بنگلہ بولنا ہوگا۔انہوں نے کہا کہ میں ایسے مجرموں کو برداشت نہیں کروں گی جو بنگال میں رہتے ہیں اور موٹر سائیکل پر گھومتے ہیں۔ممتا نے یہ بھی کہا کہ وہ مغربی بنگال کو گجرات نہیں بننے دیں گی۔مغربی 24 پرگنہ ضلع میں ترنمول کانگریس کی ریلی سے خطاب کرتے ہوئے ممتا نے بی جے پی پر جم کر نشانہ لگایا۔انہوں نے کہاکہ ہمیں بنگلہ کو آگے لے کے آناہو گا۔جب میں بہار، یوپی، پنجاب جاتی ہوں تو وہاں کی زبان بولتی ہوں،اگر آپ مغربی بنگال میں رہتے ہیں تو آپ کو بنگلہ بولنا ہی ہوگا،میں ایسے مجرموں کو برداشت نہیں کروں گی جو بنگال میں رہتے ہیں اور بائکو پر ادھر ادھر گھومتے ہیں۔ بی جے پی پر براہ راست حملہ بولتے ہوئے ممتا بنرجی نے یہ بھی کہا کہ وہ مغربی بنگال کو گجرات نہیں بننے دیں گی۔بتا دیں کہ وزیر اعلی ممتا بنرجی نے ڈاکٹروں کی ہڑتال کو لے کر اپوزیشن بی جے پی اور سی پی ایم پر حملہ بولا ہے۔ممتا نے کہا کہ اپوزیشن پارٹی ڈاکٹروں کو بھڑکا رہے ہیں اور معاملے کو فرقہ وارانہ رنگ دے رہے ہیں۔اس دوران بی جے پی کے قومی جنرل سکریٹری کیلاش وجے ورگیہ نے ڈاکٹروں کی ہڑتال کو لے کر ممتا بنرجی پر نشانہ لگایا ہے۔کیلاش وجے ورگیہ نے ٹویٹ کر کہاکہ ممتا بنرجی، آپ ریاست کی وزیر صحت بھی ہیں۔آپ تکبر کی وجہ سے گزشتہ چار دنوں میں کتنے لوگوں نے موت کا دروازہ کھٹکھٹایا ہے،کچھ تو شرم کرو۔