امیٹھی24/جون(ایس او نیوز/آئی این ایس انڈیا) مقامی رہنما اسمرتی ایرانی نے اتوار کو اپنے پارلیمانی حلقہ امیٹھی کے دورے کے دوسرے دن حکام سے کہا کہ ترقیاتی اسکیموں کا فائدہ سماج کے آخری شخص تک پوری ایمانداری سے پہنچنا چاہئے اور اس میں کسی بھی طرح کی لاپرواہی ناقابل معافی ہوگی۔ اسمرتی ایرانی یہاں کلکٹریٹ آڈیٹوریم میں ضلع مجسٹریٹ سمیت تمام ضلع سطح کے محکمہ جاتی افسران کے ساتھ ملاقات کر رہی تھیں۔ انہوں نے  آیوشمان بھارت مشن جیسی اسکیموں کا جائزہ لیتے ہوئے کہا کہ منصوبوں کا فائدہ پوری ایمانداری اور وقت سے ملنا چاہئے۔ ممبر پارلیمنٹ نے ملاقات کے دوران وزیر اعظم کسان سمان منصوبہ، وزیراعظم ہاؤسنگ سکیم کی ترقی کی معلومات لی اور حکام کو ہدایت دی کہ کام وقت رہتے پورے کئے جائیں۔ انہوں نے آوارہ جانوروں سے کسانوں کو ہو ر ہے مسئلہ کے بارے میں معلومات لی اور اس سے کسانوں کو اس سے تلافی کے لئے اٹھائے گئے اقدامات میں تیزی لانے کو کہا۔ انہوں نے حکام سے سخت الفاظ میں کہا کہ کاغذی خانہ پری کرنا بھول جائیں، عوامی مسائل کا تصفیہ ایک ہفتے کے اندر کرنا ہوگا۔ ایرانی نے خواتین تحفظ اور قانون کے نظام میں جامع بہتری کی ہدایت افسران کو دیئے۔