سرسی : کانگریس نے اتی کرم داروں کا ساتھ نہیں دیا - بی جے پی کا الزام
سرسی، 6 / اپریل (ایس او نیوز) بی جے پی میڈیا سیل کے ضلع ترجمان سدانند بھٹ نے کانگریس کو نشانہ بناتے ہوئے کہا کہ اب پارلیمانی الیکشن کے موقع پر جنگلاتی زمین کے اتی کرم داروں کے ساتھ کھڑے رہنے کی بات کرنے والی کانگریس کو بتانا چاہیے کہ اپنے دور اقتدار میں اتی کرم داروں کے حق میں کیا کام کیا ہے ۔
شہر کے دین دیال ہال میں پریس کانفرنس سے خطاب کرتے ہوئے بھٹ نے کہا کہ اتر کنڑا ضلع میں جنگلاتی زمین کے اتی کرم داروں کو سنگین مسائل درپیش ہیں ۔ وہ لوگ ریاست میں مسلسل جد و جہد کرتے آئے ہیں ۔ کانگریس کو واضح کرنا چاہیے کہ اس نے ان اتی کرم داروں کے مسائل حل کرنے کے لئے کیا کچھ کیا ہے ۔
سدانند بھٹ نے کہا کہ کانگریس نے اتی کرم داروں کے لئے کچھ بھی نہیں کیا ہے اور اب پارلیمانی الیکشن کے موقع پر صرف کھوکھلے وعدے کر رہی ہے ۔