مدھیہ پردیش میں سیاسی بحران ! کابینہ توسیع پر نہیں بن رہی بات

Source: S.O. News Service | Published on 30th June 2020, 10:24 PM | ملکی خبریں |

بھوپال،30؍جون(ایس او نیوز؍ایجنسی) مدھیہ پردیش میں کابینہ کی دوسری توسیع پر اب بھی پینچ پھنسا ہوا ہے اور لیڈروں کے درمیان اتفاق نہ بننے سے حلف برداری کی تاریخ طے نہیں ہو پا رہی ہے۔ دو دن تک دہلی میں رہنے کے بعد وزیر اعلیٰ شیوراج سنگھ چوہان منگل کو بھوپال لوٹ آئے۔ ان کی کئی میٹنگیں آج مجوزہ ہیں، اب دیکھنے والی بات یہ ہے کہ کیا مدھیہ پردیش ایک بار پھر سیاسی بحران میں مبتلا ہونے والا ہے۔

وزیر اعلیٰ شیوراج سنگھ چوہان اور ریاستی بی جے پی کے دونوں اہم عہدیدار صدر وشنو دت شرما اور ریاستی جنرل سکریٹری سہاس بھگت کے ساتھ اتوار کو ریاستی حکومت کے طیارہ سے دہلی گئے تھے اور امکان اس بات کا ظاہر کیا جا رہا تھا کہ کابینہ کی دوسری توسیع منگل یا بدھ تک ہو سکتی ہے۔ شیوراج چوہان کی دہلی میں پارٹی صدر جے پی نڈا، وزیر اعظم نریندر مودی، مرکزی وزیر داخلہ امت شاہ، مرکزی وزیر نریندر سنگھ تومر کے علاوہ حال ہی میں بی جے پی میں شامل ہوئے نومنتخب راجیہ سبھا رکن جیوترادتیہ سندھیا سے بھی ملاقات ہوئی۔

ذرائع کا کہنا ہے کہ کابینہ کے ممکنہ وزراء کو لے کر اتفاق نہیں بن پایا ہے۔ یہی وجہ ہے کہ کابینہ توسیع کی تاریخ کو آگے بڑھانے کا ذہن تیار کر لیا گیا ہے۔ شیوران سنگھ چوہان بھی پارٹی لیڈروں کے ساتھ بھوپال منگل کی صبح ریاستی حکومت کے طیارہ سے لوٹ آئے۔ وزیر اعلیٰ چوہان کی منگل کو وزارت میں کئی میٹنگیں ہیں۔ وہ محکمہ مالیات کے افسران سے بات چیت کرنے کے ساتھ کورونا کے حالات کا بھی جائزہ لیں گے۔

ایک نظر اس پر بھی

ملک میں کورونا انفیکشن نے پھر بنایا ریکارڈ، 24 گھنٹوں میں ملے 22,771 نئے کیس، 442 لوگوں کی موت

ملک میں کورونا وائرس روز بروز شدید شکل اختیار کرتا جارہا ہے اور گذشتہ 24 گھنٹوں کے دوران ملک میں کورونا وائرس کے ریکارڈ 22،771 نئے کیسز سامنے آئے ہیں ، جس سے متاثرین کی مجموعی تعداد بڑھ کر 6.48 لاکھ ہوچکی ہے۔

ممبئی میں موسلا دھار بارش، 38 مقامات پر پانی بھرگیا، ٹریفک جام سے عوام کو پریشانی

گزشتہ روز صبح ممبئی میں تین گھنٹوں تک جاری رہنے والی شدید بارش کے بعد کم سے کم 38 مقامات پر پانی بھرگیا، جس سے اندھیری اور سائن میں تین مقامات پر بڑے پیمانے پر ٹریفک جام ہوگیا اور ٹریفک کا رخ موڑنا پڑا۔

دہلی میں کورونا کے معاملات 94000سے زیادہ، 2900سے زیادہ لوگو ں کی موت

کورونا وائرس (کووڈ۔19) کا قہر رکنے کا نام نہیں لے رہا ہے اور راجدھانی میں کل 2520نئے معاملے سامنے آنے کے بعد متاثرین کی تعداد جمعہ کو بڑھ کر 94000سے زیادہ ہوگئی ہے اور 59مزید لوگوں کی موت کے ساتھ مرنے والوں کی تعداد 2923ہوگئی ہے۔