سرتاج مدنی کی نظربندی 6 ماہ بعد ختم

Source: S.O. News Service | Published on 19th June 2021, 11:13 PM | ملکی خبریں |

سری نگر، 19؍جون (ایس او نیوز؍ایجنسی) پی ڈی پی کے سینئر لیڈر اور سابق ڈپٹی اسپیکر سرتاج مدنی کو 6 ماہ بعد ہفتے کے روز پولیس حراست سے رہا کیا گیا ہے۔ سرتاج مدنی کی رہائی کا یہ حکومتی فیصلہ اس وقت آیا ہے جب مرکزی حکومت جموں وکشمیر کی سیاسی جماعتوں کو ایک میٹنگ میں شرکت کرنے کے لئے دلّی آنے کی دعوت دے رہی ہے۔

پولیس ذرائع نے بتایا کہ سرتاج مدنی جو پی ڈی پی صدر محبوبہ مفتی کے قریبی رشتہ دار ہیں، کو ہفتے کے روز رہا کیا گیا ہے۔ سال گزشتہ کے 21 دسمبر کو ڈی ڈی سی انتخابات کی ووٹنگ سے ایک دن قبل پی ڈی پی کے سینیئر لیڈران نعیم اختر اور سرتاج مدنی کو حراست میں لیا گیا تھا، جبکہ پارٹی کے یوتھ لیڈر وحید الرحمان پرہ کو ڈی ڈی سی انتخابات کے لئے اپنے کاغذات نامزدگی جمع کرنے کے پانچ روز بعد یعنی 25 نومبر کو این آئی اے نے گرفتار کیا تھا۔

قبل ازیں سرتاج مدنی کو پانچ اگست 2019 کو جنوبی کشمیر کے ضلع اننت ناگ میں واقع اپنی رہائش گاہ پر نظر بند کیا گیا تھا۔ بعد ازاں انہیں شیر کشمیر انٹرنیشنل کنونشن سینٹر (ایس کے آئی سی سی) سری نگر منتقل کیا گیا تھا۔ مدنی کو سال گزشتہ کے 5 فروری کو ایس کے آئی سی سی سے گپکار میں واقع گیسٹ ہاؤس منتقل کیا گیا تھا۔

دریں اثنا پی ڈی پی صدر و سابق وزیر اعلیٰ محبوبہ مفتی نے سرتاج مدنی کی رہائی پر اطمینان کا اظہار کیا ہے۔ انہوں نے اپنی ایک ٹوئٹ میں کہا ہے کہ 'اس بات سے اطمینان ملا ہے کہ پی ڈی پی کے سرتاج مدنی کو بالآخر چھ ماہ کی غیر آئینی نظربندی سے رہا کیا گیا ہے۔ اب وقت آ گیا ہے کہ حکومت ہندوستان جموں و کشمیر اور باہر کی جیلوں میں بند سیاسی قیدیوں اور دیگر نظربندوں کو رہا کریں۔ انہیں وبا کے پیش نظر بہت پہلے رہا کیا جانا چاہیے تھا'۔

ایک نظر اس پر بھی

زوردار بارش کے دوران مدھیہ پردیش کے بھِنڈ میں ڈسٹرکٹ جیل کی دیوار منہدم، 22 قیدی زخمی، 2 کی حالت نازک

 مدھیہ پردیش کے ضلع بھِنڈ میں ہفتہ کی صبح اس وقت ایک بڑا حادثہ پیش آیا جب ضلع جیل کی ایک خستہ حال دیوار موسلادھار بارشوں کے دوران بھربھرا کر گر گئی۔ اس سے بیرک نمبر 6 میں قید 22 قیدی زخمی ہو گئے، جن میں سے 2 کی حال نازک بتائی جا رہی ہے۔

سی بی ایس ای 12 ویں کلاس کے نتائج :ختم ہوا انتظار

  آخر کار طویل انتظار کے بعد ، سنٹرل بورڈ آف سیکنڈری ایجوکیشن (سی بی ایس ای) نے 12 ویں کلاس کے نتیجہ جاری کر دیے ہیں۔ طلباء اپنے نتائج ویب سائٹ cbseresults.nic.in ، cbse.gov.in پر دیکھ سکتے ہیں۔ اس سال 99.37فیصد طلبہ کامیاب ہوئے ہیں۔

گئوشالہ میں 50 سے زائد گایوں کی موت پر ہنگامہ، تحقیقات شروع

گئوشالاؤں میں موجود گایوں کی دیکھ بھال کے نام پر سرکاری امداد حاصل کرنے اور اس کو ہضم کر جانے کے کئی معاملے سامنے آ چکے ہیں۔ تازہ معاملہ راجستھان کے ضلع جیسلمیر کا ہے جہاں رام گڑھ واقع کوہریوں کا گاؤں علاقہ میں چل رہی 200 گایوں پر مشتمل گئوشالہ میں تقریباً 50 سے زائد گایوں کے ...

ذات پر مبنی مردم شماری کے حق میں ہیں نتیش کمار، پی ایم مودی کو جلد لکھیں گے خط

بہار کے وزیراعلیٰ نتیش کمار نے اپوزیشن لیڈر تیجسوی یادو کو ایک ملاقات کے دوران یقین دلایا کہ وہ ذات پر مبنی مردم شماری کے لیے وزیر اعظم نریندر مودی کو خط لکھیں گے اور ساتھ ہی قانونی طریقے پر بھی غور کریں گے۔

ہندوستان میں کورونا کے یومیہ معاملات میں معمولی کمی، 41649 نئے کیسز، 591 مریضوں کی موت

  ملک میں کورونا وائرس (کووڈ 19) کے یومیہ سامنے آنے والے معاملات میں معمولی کمی آئی ہے، تاہم نئے کیسز کی تعداد 40 ہزار سے زیادہ رہی۔ دریں اثنا ، جمعہ کو 52 لاکھ 99 ہزار 36 افراد کو کورونا کی ویکسین لگائی گئی۔ اب تک ملک میں 46 کروڑ 15 لاکھ 18 ہزار 479 افراد کو ویکسین دی جا چکی ہے۔