کولکاتہ،18/جون (ایس او نیوز/آئی این ایس انڈیا) شاردا چٹ فنڈ گھوٹالے کی جانچ کر رہی سی بی آئی کو بڑا جھٹکا لگا ہے۔کلکتہ ہائی کورٹ نے فوری سماعت کے لئے سی بی آئی کی جانب سے داخل کی گئی درخواست کو مسترد کر دیا ہے۔سی بی آئی نے کولکاتہ کے پولیس کمشنر رہے راجیو کمار کے معاملے میں فوری سماعت کی مانگ کی تھی۔کورٹ نے کہا کہ اس معاملے کی سماعت مقرر تاریخ یعنی 2 جولائی ہوگی۔مرکزی تفتیشی بیورو (سی بی آئی) نے سات جون کو سابق کولکاتہ پولیس کمشنر راجیو کمار سے کروڑوں روپے کے شاردا چٹ فنڈ گھوٹالے میں چار گھنٹے سے زیادہ وقت تک پوچھ گچھ کی تھی۔ریاستی پولیس محکمہ کی خصوصی تفتیشی ٹیم (ایس آئی ٹی) کی قیادت کر چکے راجیو کمار سی جی او کمپلیکس میں واقع مرکزی ایجنسی کے کولکاتہ دفتر میں صبح تقریباََ10.30 بجے پہنچے،وہ ایجنسی کے دفتر سے دوپہر بعد قریب 3 بجے نکلے۔اس سے پہلے سی بی آئی نے سینئر افسر سے معاملے میں فروری میں شیلانگ میں پوچھ گچھ کی تھی۔یہ پوچھ گچھ سپریم کورٹ کی ہدایات کے تحت ہوئی تھی۔سپریم کورٹ نے حال میں افسر سے جانچ ایجنسی کے ساتھ تعاون کرنے کو کہا۔حال فی الحال میں انہیں سی بی آئی کی طرف سے کئی بار طلب کیا گیا تھا، لیکن وہ چھٹی پر ہونے کی بات کہہ کر پیش ہونے سے مکر جاتے تھے۔ایجنسی ذرائع کے مطابق پوچھ گچھ کے پورے عمل کی ویڈیو ریکارڈنگ کی گئی ہے اور کمار کے بیانات کا ملاپ بنگال کے ایک اور آئی پی ایس افسر ارنب گھوش کے ساتھ کیا جائے گا۔ا رنب سے سی بی آئی نے اسی معاملے میں پوچھ گچھ کی ہے۔راجیو کمار ابھی مغربی بنگال کے سی آئی ڈی کے علاوہ ڈائریکٹر جنرل کے طور پر تعینات ہیں۔کمار کو سی بی آئی نے حالیہ ہفتوں میں کئی بار سمن دیا، لیکن وہ حاضر نہیں ہوئے۔انہوں نے کہا کہ وہ چھٹی پر ہیں۔جانچ ایجنسی نے کمار کے لئے گزشتہ ماہ ایک لک آؤٹ نوٹس جاری کیا ہے۔اس کے بعد کمار نے کلکتہ ہائی کورٹ سے رابطہ کیا اور اپنے خلاف سی بی آئی نوٹس منسوخ کرنے کا مطالبہ کیا۔عدالت نے راجیو کمار کو 10 جولائی تک زبردستی کارروائی سے تحفظ فراہم کی ہے لیکن ان سے کولکاتہ نہیں چھوڑنے کو کہا ہے۔عدالت نے راجیو کمار سے جاری تحقیقات میں ایجنسی کے ساتھ تعاون کرنے کو کہا ہے۔