مودی حکومت کا فیصلہ: اب 60 سال میں ریٹائر ہوں گے نیم فوجی دستوں کے جوان

Source: S.O. News Service | By Shahid Mukhtesar | Published on 20th August 2019, 10:52 PM | ملکی خبریں |

نئی دہلی، 20 اگست (ایس او نیوز/آئی این ایس انڈیا) وزارت داخلہ نے تمام نیم فوجی دستوں میں تمام رینک کے اہلکاروں کے لئے ریٹائرمنٹ کی عمر 60 سال طے کر دی ہے۔یہ حکم فوری طورپر مرکزی ریزرو پولیس فورس (سی آر پی ایف)، سرحدپروٹیکشن فورس (بی ایس ایف)، مسلح سرحد فورس (ایس ایس بی)،مرکزی صنعتی سیکورٹی فورس (سی آئی ایس ایف)، ہند۔ تبت سر حد پولیس (آئی ٹی بی) اورآسام رائفلزمیں لاگوہوگا۔وزارت داخلہ کا یہ حکم دہلی ہائی کورٹ کے جنوری میں دیے گئے فیصلے کے بعد آیا ہے۔ہائی کورٹ نے مرکزی حکومت سے کہا تھا کہ تمام رینک کے لیے ایک ریٹائرمنٹ عمر مقرر کریں۔اس سے پہلے مختلف رینک کے لیے انفرادی ریٹائرمنٹ عمرمقرر تھی۔فی الحال مرکزی مسلح پولیس فورسز (سی اے پی ایف) یا نیم فوجی دستوں میں کمانڈنٹ اور اس نیچے رینک کے افسران کی ریٹائرمنٹ کی عمر 57 سال ہے، جبکہ سب آئی جی اور اس سے اوپر کے رینک کے افسر 60 سال کی عمر حاصل کرنے پر ریٹائرڈ ہوتے ہیں۔سی اے پی ایف کے آسام رائفلز اور سی آئی ایس ایف کے تمام افسران کی ریٹائرمنٹ عمر پہلے ہی 60 سال ہے،جنہیں ہائی کورٹ کے فیصلے کی تاریخ اور وزارت داخلہ کے حکم کی تاریخ کے درمیان عبوری رہو ملا ہے، ان پر بھی 60 سال کی ہی ریٹائرمنٹ کی عمر کا اطلاق ہو گا۔فیصلہ میں کہا گیاکہ جو لوگ ریٹائر ہو گئے ہیں، لیکن کسی عدالت میں نہیں گئے ہیں، انہیں یہ اختیار ملے گا کہ وہ ریٹائرمنٹ پر ملنے والے تمام فوائد کو واپس کر دوبارہ خدمت میں شامل ہو جائیں اور 60 سال کی عمر تک خدمت میں بنے رہیں۔حکم کے مطابق، تمام فورسز کو عدالت کے حکم کو لاگو کرنے کی ہدایات دی گئی ہیں،فی الحال ریٹائرمنٹ کی عمر مختلف رینک کے ساتھ ساتھ سیکوریٹی فورسز کی مختلف شاخوں کے لئے مختلف ہوتی ہے۔

ایک نظر اس پر بھی

دو روزہ دورے پر ہندوستان پہنچےامریکی صدرڈونلڈ ٹرمپ، پی ایم مودی نے کیاوالہانہ استقبال

امریکی صدر ڈونلڈ ٹرمپ، اپنے اہل خانہ کے ساتھ دوروزہ دورے ہندوستان کے لیے احمد آباد پہنچے گئے ہیں۔ وزیراعظم نریندرمودی نے ٹرمپ اور ان کی اہلیہ کا ائیرپورٹ کا والہانہ استقبال کیاہے۔ امریکی صدر ڈونلڈ ٹرمپ اور وزیراعظم نریندرمودی آج یہاں ایک زبردست روڈ شو ’انڈیا روڈشو‘اور ...

ادھو ٹھاکرے کا مودی پر طنز: دل کی بات ’من کی بات‘ کی طرح نہیں ہے 

مہاراشٹر کے وزیر اعلیٰ ادھو ٹھاکرے نے ہفتہ کو جنوبی ممبئی میں انجمن اسلام کے لاء کالج کا نام سابق وزیر اعلی اے آر انتولے کے نام پر رکھا، جبکہ این سی پی سربراہ شرد پوار نے ان پر ایک کتاب ’نرگس بقلم اے آر انتولے‘کا اجراء کیا۔

منگلورو میں سی اے اے مخالف احتجاج کے دوران ہوئی پولیس فائرنگ میں ہلاک ہونے والے افراد کے خاندانوں کو معاوضہ

بنگلورو میں آئی یو ایم ایل کے نیشنل سکریٹریٹ کا اجلاس منعقد ہوا۔ اس موقع پر کرناٹک کے ساحلی شہر منگلورو کے دو متاثرہ خاندانوں کو پانچ پانچ لاکھ روپئے کے چیک دئے گئے۔

نہرو کے سلسلے میں ہونے والی غلط باتوں کو تاریخ مسترد کر دیگی: منموہن سنگھ

 سابق وزیر اعظم ڈاکٹر منموہن سنگھ نے کہا ہے کہ ملک کے پہلے وزیر اعظم پنڈت جواہر لال نہرو کو جس طرح سے غلط طریقے سے پیش کیا جا رہا ہے، اسے ایک دن تاریخ مسترد کر دیگی اور تمام حقائق کو صحیح تناظر میں دیکھا جائے گا۔