نئی دہلی،13/دسمبر (ایس او نیوز/یو این آئی) وزیر دفاع راج ناتھ سنگھ نے جمعہ کے روز لوک سبھا میں کہا کہ کانگریس رکن راہل گاندھی کو حکومت کے ”میک ان انڈیا“ پروگرام پر قابل اعتراض تبصرے کے لئے ایوان اور پورے ملک سے معافی مانگنی چاہئے -اسی معاملے پر ایک بار ایوان کی کارروائی ملتوی ہونے کے بعد دوپہر12بجے جیسے ہی کارروائی دوبارہ ہوئی آسام کے مسئلے پر کانگریس ارکان کی نعرے بازی کے درمیان مسٹر سنگھ نے کہاکہ پوری دنیا جانتی ہے کہ وزیر اعظم‘میک ان انڈیا’پر زور دے رہے ہیں تاکہ درآمد کے طور پر پہنچانے جانے والا ہمارا ملک برآمد کے طور پر کھڑا ہو سکے اور بڑی تعداد میں نوجوانوں کو روزگار مل سکے - اس کی تک بندی راہل گاندھی کی طرف سے کی گئی ہے اس سے پورا ملک مجروح ہوا ہے-انہوں نے سوال کیا کہ کیا اس ایوان میں ایسے بھی لوگ منتخب ہوکر آ سکتے ہیں - انہوں نے کہا کہ یہ دلیل کہ بھارتیہ جنتا پارٹی کے کچھ لوگوں نے بھی پہلے ”ادھر ادھرکا لفظ“ استعمال کیا تھا انہیں افسوس ناک قرار دیا گیا ہے - چاہے وہ سادھوی نرنجن جیوتی ہوں یا اننت ہیگڈے -سنگھ نے کہاکہ ایسے ارکان کو ایوان میں رہنے کا کوئی حق نہیں ہے - انہیں یہاں آکر ایوان سے اور پورے ملک سے معافی مانگنی چاہئے -اس دوران راہل گاندھی بھی ایوان میں آ گئے - جہاں کانگریس کے دو ارکان اسپیکر کی نشست کے پاس جا کر اور دیگر ارکان اپنی اپنی نشست پر کھڑے ہوکر آسام معاملے پر نعرے بازی کر رہے تھے وہیں برسراقتدار جماعت کے ارکان بھی آگے کی سیٹوں تک آ گئے اور‘راہل گاندھی معافی مانگو’کے نعرے لگانے لگے - اگرچہ وہ ایوان کے بیچوں بیچ نہیں آئے -