نئی دہلی، 14 جولائی(ایس او نیوز/آئی این ایس انڈیا) آسام، بہار، اتر پردیش، مہاراشٹر سمیت ملک کی کئی ریاستوں میں مانسونی بارش کا دور جاری ہے۔آسام اور شمالی بہار میں سیلاب جیسے حالات ہیں۔آسام میں آدھے سے زیادہ ضلع برہمپتر اور اس کی معاون ندیوں میں آئے سیلاب کی وجہ سے ڈوب رہے ہیں۔بہار میں بھاری بارش کی وجہ سے حالات بگڑتے جا رہے ہیں۔محکمہ موسمیات نے ریاست کے کئی علاقوں میں بھاری بارش کی وارننگ دی ہے. اتر پردیش کے کئی اضلاع میں زوردار بارش کی وجہ سے کی وجہ سے سیلاب جیسی صورتحال پیدا ہو گئی ہے۔ہر سال ایسا ہوتا ہے، بربادی ہوتی ہے لیکن کوئی ٹھوس کروائی نہیں سوتی، افسر اور حکومتیں سوچتی ہیں کہ کچھ دن میڈیا میں بحثیں ہوں گی اس کے بعد سب ختم، عوام بھگتنے کیلئے ہے اور بھگتتی رہے گی۔آسام میں سیلاب کی صورتحال سنگین بنی ہوئی ہے۔ریاست کے نصف سے زائد اضلاع برہمپتر اور اس کی معاون ندیوں میں آئے سیلاب کے پانی میں ڈوب رہے ہیں۔اس کی وجہ سے اب تک سات افراد کی موت ہو چکی ہے،سیلاب کی وجہ سے ریاست کے 4.23 لاکھ لوگ متاثر ہیں۔سیلاب کے پانی کی وجہ سے لمڈنگ-بدرپور پہاڑی حصے میں ریلوے خدمات کنٹرول کرنی پڑیں ہیں۔آسام ریاستی ڈیزاسٹر مینجمنٹ اتھارٹی (اے ایس ای ایم اے) کے مطابق متاثر اضلاع میں دھیماجی، لکھیم پور، بسوناتھ، نلباڑی، چرانگ، گولاگھاٹ، ماجلی، جورہاٹ، ڈبروگڑھ، نگاو، موریگاو، کوکراجھار، بوگایگاو، باکس، سونت پور، درراگ اور بارپیٹا شامل ہیں۔اس کے مطابق بارپیٹا میں حالت نازک ہے، جہاں 85000 لوگ سیلاب سے متاثر ہیں۔