نئی دہلی،20/جون (ایس او نیوز/ آئی این ایس انڈیا) اتر پردیش میں قتل اور عصمت دری کے مختلف واقعات کا حوالہ دیتے ہوئے کانگریس جنرل سکریٹری پرینکا گاندھی واڈرا نے جمعرات کو الزام لگایا کہ ریاست میں معصوموں پر درندگی ہو رہی ہے اور لوگوں کو زندہ جلا دیا جا رہا ہے لیکن ’اقتدار کی راگ درباری آنکھیں‘کچھ نہیں دیکھ رہی ہیں۔انہوں نے یہ سوال بھی کیا کہ آخر یوگی آدتیہ ناتھ حکومت خواتین کے تحفظ کی ذمہ داری لینا کب شروع کرے گی؟ مشرقی اتر پردیش کی کانگریس انچارج پرینکا لے ٹویٹ کر کہاکہ اتر پردیش میں معصوموں پر درندگی کی جا رہی ہے۔عورتوں کو خوف کے ماحول میں ڈھکیلا جا رہا ہے۔مگر اقتدار کی راگ درباری آنکھیں کچھ نہیں دیکھ رہی ہیں۔انہوں نے پوچھاکہ اتر پردیش کی حکومت خواتین اور بچیوں کی حفاظت کی ذمہ داری کب لینا شروع کرے گی؟ بتا دیں کہ کانگریس جنرل سکریٹری پرینکا گاندھی واڈرا نے اتر پردیش میں سال 2022 میں ہونے والے اسمبلی انتخابات سے پہلے پارٹی کارکنوں سے ہر ہفتے تین چار بار ملنے کا فیصلہ کیا ہے۔کانگریس کے ایک سینئر ذرائع نے کہا کہ لوک سبھا انتخابات کے نتائج آنے کے بعد سے پرینکا گاندھی نے پارٹی رہنماؤں اور کارکنوں سے اپنے رہائش گاہ پر ملنا شروع کیا تھا۔کانگریس جنرل سکریٹری مشرقی اتر پردیش کی انچارج بھی ہیں۔وہ گزشتہ دو ہفتوں میں اپنے اور پارٹی صدر بھائی راہل گاندھی کی رہائش گاہ پر 150 سے زیادہ کارکنوں سے مل چکی ہیں۔حالانکہ گزشتہ ہفتے جب وہ ووٹروں کا شکریہ ادا کرنے کے لیے ماں سونیا گاندھی کے ساتھ ان کے پارلیمانی حلقہ رائے بریلی گئی تھیں تو اس موقع پر انہوں نے کہا تھا کہ وہ ریاست میں ہرہفتے دوبارلوگوں سے ملیں گی۔