کورونا سے یو پی میں حالات بدتر، حکومت توجہ دے: پرینکا گاندھی
لکھنؤ،20؍جولائی(ایس او نیوز؍ایجنسی) اترپردیش میں کورونا بحران لگاتار سنگین صورت اختیار کرتا جا رہا ہے اور اس سلسلے میں کانگریس کی جنرل سکریٹری پرینکا گاندھی لگاتار ریاستی حکومت سے ضروری اقدامات کرنے کی گزارش کرتی رہی ہیں۔ یوگی حکومت کے غلط فیصلوں اور غلط پالیسیوں کی پرینکا گاندھی تنقید بھی کرتی رہی ہیں لیکن اس کوئی اثر ہوتا ہوا دکھائی نہیں دے رہا ہے۔ یہی وجہ ہے کہ اتر پردیش میں حالات خراب ہوتے جا رہے ہیں۔ اس تعلق سے پیر کے روز بھی پرینکا گاندھی نے ٹوئٹ کر یوگی حکومت کو آئینہ دکھانے کی کوشش کی۔
پرینکا گاندھی نے مذکورہ تبصروں کے ساتھ ساتھ لکھنؤ و گورکھپور کے اسپتالوں میں بستروں کی کمی کے تعلق سے اخبارات میں شائع خبر کی کٹنگ بھی شیئر کی ہے۔ کٹنگ میں صاف ظاہر ہو رہا ہے کہ لکھنؤ و گورکھپور میں سبھی اسپتالوں کے بیڈ، آکسیجن سلنڈر اور وینٹی لیٹر بھرے ہوئے ہیں۔ قابل ذکر ہے کہ گزشتہ ایک ہفتے سے لکھنؤ سمیت 6 دیگر اضلاع میں کورونا انفیکشن کے معاملات میں کافی تیزی آئی ہے۔
آج کیے گئے ٹوئٹ میں پرینکا گاندھی نے لکھا ہے کہ "اتر پردیش کے دو اہم شہروں لکھنؤ اور گورکھپور کے سرکاری اسپتالوں میں بیڈ فُل ہو جانے کی خبریں ہیں۔ کورونا کے معاملے بڑھ رہے ہیں اور اسپتالوں کی یہ حالت فکر انگیز ہے۔" ساتھ ہی پرینکا گاندھی نے یہ بھی لکھا کہ "تین مہینے قبل حکومت کے سامنے ظاہر کیا گیا اندیشہ آج حقیقت کی شکل میں سامنے ہے۔ اب ٹیپ ریکارڈ جیسی چلنے والی پریس کانفرنس سے یو پی حکومت کا کام نہیں چلے گا۔ اس حالت پر دھیان دینا ہی ہوگا۔"
پرینکا گاندھی نے مذکورہ تبصروں کے ساتھ ساتھ لکھنؤ و گورکھپور کے اسپتالوں میں بستروں کی کمی کے تعلق سے اخبارات میں شائع خبر کی کٹنگ بھی شیئر کی ہے۔ کٹنگ میں صاف ظاہر ہو رہا ہے کہ لکھنؤ و گورکھپور میں سبھی اسپتالوں کے بیڈ، آکسیجن سلنڈر اور وینٹی لیٹر بھرے ہوئے ہیں۔ قابل ذکر ہے کہ گزشتہ ایک ہفتے سے لکھنؤ سمیت 6 دیگر اضلاع میں کورونا انفیکشن کے معاملات میں کافی تیزی آئی ہے۔