پرشانت کشور کا لالو یادو کو چیلنج، کیمرے کے سامنے آئیے، کس نے کیا آفر دیا سب پتہ چل جائے گا
نئی دہلی،13؍اپریل (ایس او نیوز؍آئی این ایس انڈیا) جے ڈی یو کے نائب صدر پرشانت کشور نے ہفتہ کو آر جے ڈی سربراہ لالو پرساد یادو پر حملہ بولا اور انہیں میڈیا کے سامنے بحث کرنے کاچیلنج دیا۔رابڑی دیوی کے دعوے جس میں انہوں نے کہا کہ پرشانت کشور انتخابات سے پہلے ان کے پاس جے ڈی یو۔آر جے ڈی کے ضم کرنے کی تجویز لے کر آئے تھے، پرشانت کشور نے لالو پرساد یادو کو میڈیا کے سامنے آنے کو کہا تاکہ کس نے کس کو کیا آفر دیا، یہ پتہ چل سکے۔بتا دیں کہ بہار کی سابق وزیر اعلی رابڑی دیوی نے دعوی کیا کہ پرشانت کشور کی طرف سے ان کے شوہر لالو پرساد سے ملاقات کرکے یہ تجویز پیش کی تھی کہ آر جے ڈی اور نتیش کمار کے جدیو کا الحاق ہو جائے اور اس طرح بننے والی نئی پارٹی کو انتخابات سے پہلے اپنا وزیر اعظم کے عہدہ کا امیدوار اعلان کرنا چاہئے۔انہوں نے کہا کہ اگر پرشانت کشور کے سابق وزیر اعلی لالو پرساد سے اس تجویز کو لے کر ملاقات کرنے سے انکار کرتے ہیں تو وہ’سفید جھوٹ‘بول رہے ہیں۔پرشانت کشور نے ہفتہ کو ٹویٹ کیا اور لکھاکہ عہدے کا غلط استعمال اور دولت کے غلط استعمال کے الزامات میں مجرم پائے جانے والے لوگ سچائی کا متوالا ہونے کا دعوی کر رہے ہیں۔لالو پرساد یادو جی جب چاہیں، میرے ساتھ میڈیا کے سامنے بیٹھ جائیں، سب کو پتہ چل جائے گا کہ میرے اور ان کے درمیان کیا بات ہوئی اور کس نے کس کو کیا آفر دیا۔ آر جے ڈی کے قومی نائب صدر رابڑی دیوی نے کہاکہ میں اس سے بہت ناراض ہو گئی اور ان سے نکل جانے کو کہا کیونکہ نتیش کے دھوکہ دینے کے بعد مجھے ان پر بھروسہ نہیں رہا۔ رابڑی دیوی بہار قانون ساز کونسل میں اپوزیشن لیڈر کے عہدے پر بھی ہیں۔سال 2017 میں نتیش کمار آر جے ڈی اور کانگریس کا ساتھ چھوڑ کر بی جے پی کے زیر قیادت این ڈی اے میں شامل ہو گئے تھے۔رابڑی دیوی نے کہاکہ ہمارے تمام ملازمین اور سیکورٹی اس بات کے گواہ ہیں کہ انہوں نے ہم سے کم از کم پانچ بار ملاقات کی۔