مظفر پور: بے خوف بدمعاشوں کا پٹرول پمپ پر حملہ، منیجر کا کیا قتل

Source: S.O. News Service | By Shahid Mukhtesar | Published on 21st May 2019, 11:54 AM | ملکی خبریں |

مظفر پور،21/مئی (ایس او نیوز/یو این آئی)  بہار میں مظفر پور ضلع کے کرجا تھانہ علاقہ کے پتاہی ہوائی اڈہ کے نزدیک آج پٹرول پمپ منیجر کے ساتھ لوٹ اور اس کے قتل معاملے میں جانچ کیلئے خصوصی جانچ ٹیم ( ایس آئی ٹی ) کی تشکیل کی گئی ہے۔

پولیس ذرائع نے یہاں بتایا کہ ضلع کے کڑھنی تھانہ علاقہ باشندہ اور پٹرول پمپ کے منیجر کرشنا سنگھ (35) پتاہی روڈ واقع پٹرول پمپ پر کام کرتا تھا چونکہ سنیچر اور اتوار کو تعطیل تھی اسی وجہ سے پٹرول پمپ کی سیل کے پیسے جمع نہیں ہو پائے تھے اس لئے وہ آج روپے لے کر بینک میں جمع کرنے کے لئے جا رہے تھا تبھی پتاہی ہوائی ڈہ کے نزدیک پہلے ہی سے گھات لگائے بدمعاشوں نے اسلحہ کا خوف دکھا کر انہیں روک لیا اور لوٹ پاٹ کی کوشش کی۔ مخالفت کرنے پر بدمعاشوں نے منیجر کو گولی مار کرزخمی کر دیا اور ان کے پاس سے تھیلے میں رکھے تیرہ لاکھ پچاس ہزار روپے لوٹ کر فرار ہو گئے۔

ذرائع نے بتایا کہ زخمی منیجر کو مقامی نجی اسپتال میں داخل کرایا گیا ہے جہاں علاج کے دوران اس کی موت ہوگئی۔ لاش پوسٹ مارٹم کیلئے بھیج دی گئی ہے۔

دریں اثناء مظفر پور زون کے پولس انسپکٹر جنرل نیئر حسنین خان کی ہدایت پر پولس سپرنٹنڈنٹ منوج کمار نے پولس سپرنٹنڈنٹ نگر نیرج کمار سنگھ کی قیادت میں ایس آئی ٹی کی تشکیل کی ہے۔ اس سلسلے میں کرجا تھانہ انچارج کو معطل کر دیا گیا ہے جبکہ صدر تھانہ انچارج کو وجہ بتاﺅ نوٹس جاری کیا گیا ہے۔

ایک نظر اس پر بھی

کورٹ نے راجیو سکسینہ کو بیرون ملک جانے کی اجازت دینے والے عدالت کے فیصلے پر روک لگائی

سپریم کورٹ نے آگسٹا ویسٹ لینڈ ہیلی کاپٹر سودے سے منسلک منی لانڈرنگ معاملے میں سرکاری گواہ راجیو سکسینہ کو دیگر بیماریوں کا علاج کرانے کے لئے بیرون ملک جانے کی اجازت دینے کے دہلی ہائی کورٹ کے حکم پر بدھ کو روک لگا دی