آل انڈیا ائیڈیل ٹیچرس اسوسی ایشن کے زیر اہتمام ملک گیر سطح پر تدریسی اگہی پروگرام ، یو ٹی قادر کے ہاتھوں" لوگو" کا اجراء
بینگلورو٢٣ ستمبر (پریس ریلیز) طلبائی ارتقا اورسماجی تغیرکے لئے ائیٹا ایک مثالی پلیٹ فارم، کے موضوع پر 24 ستمبر 2023 تا 15 اکتوبر 2023 تک کے لیے ایک ملک گیر مہم منعقد کی جا رہی ہے۔ جس کے ''لوگو'' کا اجراء حکومت کرناٹک کے اسپیکر یو ٹی قادر کے بدست 22 ستمبر کو بینگلورو میں کیا گیا۔
اس موقع پرخطاب کرتے ہوئے یوٹی قادر نے اساتذہ کرام اور طلبہ کی رہنمائی کرتے ہوئے تعلیمی شعبہ میں نت نئی تبدیلیوں سے ہمکنار کرنے کے لئے آئیٹا کے قدم کی ستائش کی اور کہا کہ تعلیم ایک متحرک اور بے کنار سمندر کی مانند ہے اس لئے اس کے مخفی اسرار اور رموز تک اساتذہ کو پہنچانے اور اس سے طلباء کو استفادہ کرنے کے لئے آئیٹا نے جو طریقہ اختیار کیا ہے وہ کافی کارگر ثابت ہوسکتا ہے۔ یو ٹی قادر نے اس موقع پر آئیٹا کے ریاستی صدر رضا مانوی، ریاستی سکریٹری یاسین بھکبا سمیت بنگلور میٹرو کے صدر ڈاکٹر ثنا اللہ شریف اور ان کی ٹیم کو مبارکباد دیتے ہوئے اپنی نیک خواہشات کا اظہار کیا۔ یوٹی قادر نے ریاست کے تمام اساتذہ سے درخواست کی کہ وہ اس مہم میں حصہ لے کر اسے کامیاب بنائیں۔