بھٹکل :25؍جنوری(ایس اؤ نیوز)جمہوری نظام میں دستور ی حکومت اور معاشرے کی تشکیل کے لئے اہل لوگوں کو  منتخب کرنے کی ضرورت ہے، جمہوری  منشاء کو پورا کرنے کے لئے رائے دہند گان کو چوکنا رہنے کی سنئیر سول منصف جگدیش شیو پو جے  نے اپیل کی۔

وہ یہاں بھارت الیکشن کمیشن ، تعلقہ انتظامیہ بھٹکل کے اشتراک سے دی نیو انگلش پی یوکالج میں سنیچر کو منعقدہ 10ویں قومی یوم رائے دہندگان 2020کا افتتاح کرنے کے بعد خطاب کررہے تھے۔ جج نے کہاکہ الیکشن کے کچھ معاملات پیچیدہ ہیں، اس کے ساتھ ساتھ ووٹرس کی بھی ذمہ داری ہے۔ اس کی نگرانی ضروری ہے کہ سبھی کو ووٹنگ کا حاصل ہو۔ اپنے لئے گئے حلف کے مطابق عمل کریں تو جمہوری نظام کامیاب ہونے کی بات کہی۔

بھٹکل کے اسسٹنٹ کمشنر ساجد ملا نے پروگرام کی صدارت کی۔ تحصیلدار وی پی کوٹرولی نے استقبال کیا۔ گنگادھر نائک نے مقالہ پیش کیا۔ بی ای اؤ منجی نے شکریہ اداکیا۔ دی نیو انگلش پی یو کالج کے پرنسپال  وریندرشانبھاگ نے حلف کی خواندگی کرائی ۔ بھٹکل وکلاء تنظیم کے صدر آر آر شریشٹی ، تعلقہ پنچایت آفیسر پربھاکر چکنمنے نے بھی اپنے خیالات کااظہارکیا۔ رائے دہندگان کے درمیان ووٹراسمارٹ کارڈ تقسیم کئے گئے۔