بھوپال،26/فروری (ایس او نیوز/ایجنسی) مدھیہ پردیش کے وزیر اعلیٰ کمل ناتھ نے آج یہاں ’یونیفائیڈ ڈرایيونگ لائسنس اور رجسٹریشن کارڈ‘ کا افتتاح کرتے ہوئے نئے نظام کا آغاز کیا۔ سرکاری ذرائع کے مطابق مدھیہ پردیش ملک کی پہلی ریاست بن گئی ہے، جس نے یونیفائیڈ ڈرائيونگ لائسنس اور رجسٹریشن کارڈ کا ایک ساتھ افتتاح کیا ہے۔

قبل ازیں اترپردیش ریاست نے صرف یونیفائیڈ ڈرائيونگ لائسنس جاری کیا ہے۔ اس موقع پر نقل و حمل اور ریوینو(محصولات) کے وزیر گووند سنگھ راجپوت بھی موجود تھے۔ یونیفائیڈ ڈرائيونگ لائسنس اور رجسٹریشن کارڈ میں نئی معلومات بھی شامل کی گئی ہیں۔

پورے ملک میں یہ کارڈ ایک جیسا اور ایک رنگ کا ہے۔ پہاڑی اور خطرناک علاقوں میں ڈرائيونگ کرنے کی صلاحیت کا بھی اس میں ذکر ہوگا۔ مخصوص سیریل نمبر ہونے کے ساتھ ہی اس میں آرام دہ اور حادثاتی ایمرجنسی نمبر ہو گا۔ ساتھ ہی بیج نمبر بھی ہوگا۔ نئے کارڈ کے دونوں جانب معلومات تحریر ہونے کے ساتھ ہی آرگن ڈونر، کیو آركوڈ اور غیر تسلیم شدہ رجسٹریشن نمبر بھی ہوں گے۔

وزیر اعلیٰ کمل ناتھ نے محکمہ ٹرانسپورٹ کو ملک میں یونیفائیڈ رجسٹرڈ کارڈ بنانے میں پہلی اور ڈرائيونگ لائسنس میں دوسری ریاست مدھیہ پردیش کو بنانے کے لیے مبارک باد دی۔ وزیر اعلیٰ نے اس موقع پر یونیفائیڈ کارڈ کے پہلے چھ صارفین کو ٹوکن کے طور پر کارڈ تقسیم کیے۔ اس موقع پر چیف سکریٹری داخلہ اور نقل و حمل ایس این مشرا، نقل و حمل کمشنر مدھو کمار اور محکمہ ٹرانسپورٹ کے افسران موجود تھے۔