صرف”ایک شخص“ ملک چلا نہیں سکتا: راہل گاندھی

Source: S.O. News Service | By Shahid Mukhtesar | Published on 16th May 2019, 11:42 AM | ملکی خبریں |

برگاڑی،16/ مئی (ایس او نیوز؍ایجنسی) کانگریس صدر راہل گاندھی نے بدھ کو نریندر مودی پر نشانہ لگاتے ہوئے کہا کہ وزیر اعظم سمجھتے ہیں کہ صرف ایک شخص ملک چلا سکتا ہے۔لیکن حقیقت میں لوگ اس ملک کو چلاتے ہیں۔گاندھی نے کہا کہ مودی، سابق وزیر اعظم منموہن سنگھ کا مذاق اڑاتے تھے لیکن پانچ سالوں کے بعد اب مودی جی منموہن سنگھ کا مذاق نہیں اڑاتے۔آج ملک وعدے پورے نہیں ہونے پر وزیر اعظم کا مذاق بنا رہا ہے۔فریدکوٹ لوک سبھا سیٹ سے کانگریس امیدوار محمد صادق کی حمایت میں برگاڑی میں ایک انتخابی ریلی سے خطاب کرتے ہوئے گاندھی نے 2015 میں بے ادبی کے واقعات کا ذکر کیا اور مذہبی نصوص کی بے ادبی میں ملوث افراد کے خلاف سخت کارروائی کئے جانے کا وعدہ کیا۔گاندھی نے کہاکہ مجھے یاد ہے جب آپ کے مذہب(سکھوں کے مقدس گرنتھ گروگرنتھ صاحب) کی توہین ہوئی تھی اور جن لوگوں نے غلط کیا، ان کے خلاف سخت کارروائی کی جائے گی اور میں آپ کو اس بات کی ضمانت دیتا ہوں۔کانگریس جنرل سکریٹری پرینکا گاندھی واڈرا نے بھٹنڈا میں ایک انتخابی ریلی سے خطاب کرتے ہوئے منگل کو بے ادبی مسئلے کو لے کر بی جے پی کی اتحادی پر نشانہ لگایا تھا۔مودی پر نشانہ لگاتے ہوئے گاندھی نے یہاں کہاکہ وزیر اعظم سمجھتے ہیں کہ صرف ایک شخص ملک چلا سکتا ہے لیکن اصل میں لوگ اس ملک کو چلاتے ہیں۔گاندھی نے رافیل طیارے سودا مسئلے کو بھی اٹھایا اور بدعنوانی پر ان کے ساتھ ان کوبحث کرنے کا چیلنج کیا۔نوٹ بندی اورگبر سنگھ ٹیکس کے لئے بی جے پی حکومت کی مذمت کرتے ہوئے انہوں نے دعویٰ کیا کہ مودی حکومت کے ان دو فیصلوں سے معیشت برباد ہوگئی۔ اور لاکھوں لوگ بے روزگار ہو گئے۔کانگریس صدر نے ہر شہری کے اکاؤنٹ میں 15 لاکھ روپے جمع نہیں کرنے کے لئے بھی مودی پر نشانہ لگایا اور کہا کہ وزیر اعظم نے اس پر اور دو کروڑ لوگوں کو روزگار دینے پر جھوٹ بولا۔

ایک نظر اس پر بھی

لاک ڈاؤن کے دوران جان گنوا نے والے مہاجر مزدوروں کے اہل خانہ کو 25لاکھ روپئے معاوضہ دینے ایس ڈی پی آئی کا مطالبہ

   سوشیل ڈیموکریٹک پارٹی آف انڈیا  کے قومی صدر ایم کے فیضی نے اخباری بیان جاری کرتے ہوئے   مرکزی حکومت سے مطالبہ کیا ہے کہ بغیر تیاری کے اعلان کردہ لاک ڈاؤن کی وجہ سے کام کرنے کی جگہ اور اپنے گھروں کو پیدل سفر کرنے والے جو مہاجر مزدور بھوک اور تھکن سے جان گنو ا چکے ہیں،  ان کے ...

پوری دنیا میں کورونا کا قہر جاری، متاثرین کی تعداد 63 لاکھ سے تجاوز

پوری دنیا میں عالمی وبا کورونا وائرس کا قہر جاری ہے اور ہر روز متاثرین اور اس سے ہونے والی ہلاکتوں کی تعداد میں مستقل اضافہ ہو رہا ہے۔تازہ اعداد و شمار کے مطابق کورونا متاثرین کی تعداد 63لاکھ سے زیادہ ہوگئی ہے جبکہ اس وبا سے اب تک 3.73لاکھ سے زیادہ لوگوں کی موت ہوچکی ہے۔

کووڈ-19 پازیٹیو مسلمان دہشت گرد ہیں، انھیں مار دینا چاہئے

کانپور واقع جی ایس وی ایم میڈیکل کالج کی پرنسپل ڈاکٹر آرتی لال چندانی کا ایک متنازعہ ویڈیو سوشل میڈیا پر خوب وائرل ہو رہا ہے جس میں وہ مسلمانوں اور تبلیغی جماعت اراکین کے لیے نازیبا کلمات ادا کر رہی ہیں۔ اس ویڈیو میں ڈاکٹر آرتی لال چندانی نہ صرف تبلیغی جماعت والوں کو دہشت گرد ...