منگلورو:ڈاکٹروں کے خلاف بدزبانی والا ویڈیو سوشیل میڈیا پر پوسٹ کرنے والے ملزمین گرفتار

Source: S.O. News Service | By Shahid Mukhtesar | Published on 20th June 2019, 10:42 PM | ساحلی خبریں |

منگلورو20/جون (ایس او نیوز) انڈین میڈیکل ایسو سی ایشن کے مطالبے پر نجی ڈاکٹروں اور اسپتالوں نے جب17جون کو ایک روزہ ہڑتال کررکھی تھی تو اس وقت سرکاری اسپتالوں میں مریضوں کا ہجوم ہوگیاتھا۔ ایسے میں سرکاری اسپتالوں کے ڈاکٹروں کو مریضوں کے علاج و معالجے میں دقت پیش آرہی تھی۔ اسی دوران منگلورو کے وینلاک اسپتال میں حادثے کا شکار ایک مریض لایا گیا جسے ابتدائی طبی امداد کے بعد سی ٹی اسکیان کروانے کی صلاح دی گئی۔ مگر ایمبولینس دستیاب نہ ہونے کی وجہ سے اس میں تقریباً پون گھنٹہ تاخیر ہوگئی۔

مریض کے علاج میں تاخیر برہمی ظاہر کرتے ہوئے اس کے دوستوں نے ایک ویڈیو ریکارڈ کیا جس میں ڈاکٹروں کی بے پرواہی اور غفلت کی شکایت کا ذکر کرنے کے ساتھ ڈاکٹروں کے بارے میں انتہائی ہتک آمیز الفاظ میں تبصرہ کیا گیا تھا۔ انتہائی بدزبانی والے اس ویڈیو کلپ کو سوشیل میڈیا پر بھی وائرل کیا گیا تھا۔

اس واقعے کے خلاف وینلاک اسپتال کی سپرنٹنڈنٹ ڈاکٹر راجیشوری دیوی نے پولیس میں شکایت پر درج کروائی تھی جس پر کارروائی کرتے ہوئے پولیس نے دکشیت اور نتین کو گرفتار کرلیا ہے۔ دونوں ملزمین کو عدالت میں پیش کیاگیا جہاں سے انہیں عدالتی تحویل میں بھیج دیا گیا ہے۔

ایک نظر اس پر بھی

بھٹکل کا نوجوان اُدیاور میں ہوئے سڑک حادثہ میں شدید زخمی؛ علاج کے لئے مالی تعاون کی اپیل

بھٹکل مخدوم کالونی کا ایک نوجوان اُڈپی کے اُدیاور میں سڑک حادثہ میں شدید زخمی ہوا ہے اور اسے منی پال کستوربا اسپتال شفٹ کیا گیا ہے، نوجوان کی مالی حالت کمزور ہونے  کی وجہ سے علاج کے لئے  قریب تین لاکھ  روپیوں کی فوری ضرورت ہے۔ نوجوان کی شناخت سمیرسوکیری (34) کی حیثیت سے کی گئی ...

دبئی میں ایک سواری نے ایک شخص کو رونڈ ڈالا؛ مہلوک ایشیائی شخص کی شناخت ہنوز نہیں ہوپائی؛ پولس نے عوام سے کی تعاون کی اپیل

یہاں ایک سواری کی ٹکر میں ایک شخص ہلاک ہوگیا مگر اُس شخص کی شناخت ابھی تک معمہ بنی ہوئی ہے اور یہ کون ہے، کس ملک یا کس  شہر سے ہے کچھ پتہ نہیں چل پایا ہے۔ پولس کا کہنا ہے کہ یہ ایشیاء کے  کسی ملک سے تعلق رکھتا ہے۔

دبئی :شیرورگرین ویلی اسکول کے صدر ڈاکٹر سید حسن کی دختر دانیا کو ملا شیخہ فاطمہ بنت مبارک ایوارڈ آف ایکسلینس‘

عرب امارات میں بہترین ہمہ جہتی تعلیمی کارکردگی کے لئے طالب علموں کو دیا جانے والا ’’ہَرہا ئنیس شیخہ فاطمہ بنت مبارک ایوارڈ آف ایکسلینس“ امسال دانیا حسن کو تفویض کیا گیا ہے جس کا تعلق  بھٹکل کے پڑوسی علاقہ شرور سے ہے۔

بھٹکل میں الحاج محی الدین مُنیری کے نام سے موسوم ہائی ٹیک ایمبولنس کا خوبصورت افتتاح

   یہاں نوائط کالونی میں  دبئی کے معروف تاجر جناب عتیق الرحمن  مُنیری کی طرف سے ان کے والد مرحوم الحاج محی الدین مُنیری کے نام سے منسوب ایک ہائی ٹیک ایمبولنس کا خوبصورت افتتاح عمل میں آیا جس میں بھٹکل کی سرکردہ شخصیات سمیت علماء و عمائدین   موجود تھے۔