مہاراشٹر: 31جولائی تک لاک ڈاؤن میں توسیع،منی پورنے بھی 15جولائی تک بڑھایا

Source: S.O. News Service | Published on 29th June 2020, 10:19 PM | ملکی خبریں |

ممبئی،29؍جون(آئی این ایس انڈیا) مہاراشٹرامیں کورونا وائرس کی خطرناک صورتحال کے پیش نظرریاستی حکومت نے لاک ڈاؤن کو 31 جولائی تک بڑھانے کافیصلہ کیا ہے۔

اس کے علاوہ منی پورنے بھی لاک ڈاؤن کی 15جولائی تک توسیع کردی ہے۔پورے مہاراشٹرمیں خاص طور پر ممبئی اور پونے میں، کورونا وائرس کے انفیکشن میں تیزی ہے۔ انفیکشن کی روک تھام کے لیے حکومت نے ریاست میں لاک ڈاؤن کی مدت میں توسیع کرنے کا فیصلہ کیاہے۔اس کے ساتھ ساتھ ماسک اورسوشل ڈسٹنسنگ کولازمی کردیاگیاہے اورغیرضروری طورپرباہرنکلنے والوں پربھی پولیس سختی کررہی ہے۔

منی پور کے وزیراعلیٰ این بیرن سنگھ نے کہاہے کہ ان کی حکومت نے جاری لاک ڈاؤن کو مزید 15 دن کے لیے بڑھانے کا فیصلہ کیا ہے۔ اس میں یکم جولائی سے 15 تک توسیع کی گئی ہے۔

ریاست میں ابھی تک کورونا وائرس کے انفیکشن کے 1092 واقعات رپورٹ ہوئے ہیں۔30 جون کولاک ڈاؤن کو ختم کرنے کی امید کی جارہی تھی۔

سنگھ نے یہ بھی اعلان کیاہے کہ انٹر ڈسٹرکٹ بس سروس کا کام یکم سے 15 جولائی تک جاری رہے گا اور اس دوران کوویڈ 19 سے متعلق تمام حفاظتی ہدایات پرعمل کرناہوگا۔ تاہم اس مدت کے دوران کسی بھی عوامی نقل وحمل کے کام کی اجازت نہیں ہوگی۔

ایک نظر اس پر بھی

قندھار ہائیجیک کیس: ممبئی عدالت نے 19 ملزموں کو بری کردیا

 ممبئی سیشن عدالت نے،دسمبر 1999 میں نیپال کے دارالحکومت کھٹمنڈو سے دہلی جانے والے انڈین ایئرلائن   IC 814  کے طیارے کو اغوا  کرنے کے سلسلے میں ایک مقدمہ میں عبد اللطیف آدم مومن سمیت 19 افراد کو رہا کرنے کے لئے نچلی عدالت کے فیصلے کو برقرار رکھا ہے۔

راجستھان بحران : سچن پائلٹ کا 23 ممبران اسمبلی کی حمایت کا دعوی ، بی جے پی سے کیا رابطہ : رپورٹ

مدھیہ پردیش کے بعد اب راجستھان میں بھی کانگریس کی مشکلات بڑھ سکتی ہیں ۔ کہا جا رہا ہے کہ ایک مرتبہ پھر سے نائب وزیر اعلی سچن پائلٹ اور وزیر اعلی اشوک گہلوت کے درمیان تلواریں کھینچ گئی ہیں ۔

امیتابھ-ابھیشیک کے بعد ایشوریہ اور بیٹی ارادھیہ بھی کورونا سے متاثر

ملک میں لگاتار پھیل رہے کرونا وائرس کی زد میں اب بالی وڈ بھی آ چکا ہے۔ ہفتہ کی رات امیتابھ بچن اور ان کے بیٹے ابھیشیک بچن کے کورونا پازیٹو پائے جانے کے بعد لوگ ان کے خاندان کے تئیں فکرمندی کا اظہار کر رہے ہیں۔