وزیر اعظم نریندرمودی نے کہا: دنیا آج غیر معمولی چیلنجز کا سامنا کررہی ہے، بدھ کی تعلیمات سے نمٹنے کا راستہ مل سکتا ہے
نئی دہلی،04 /جولائی (آئی این ایس انڈیا) وزیر اعظم نریندر مودی نے ویڈیو کانفرنسنگ کے ذریعے کہاکہ دنیا آج غیر معمولی چیلنجوں سے دوچار ہے، بدھ کی تعلیمات سے نمٹنے کا کوئی راستہ مل سکتا ہے۔ آج ہی کے دن مہاتما بدھ نے اپنے پہلے پانچ شاگردوں کو نصیحت دی تھی۔
انہوں نے کہاکہ میں آج پورنما کے موقع پر سب کو نیک خواہشات پیش کرنا چاہتا ہوں۔ اسے گرو پورنیما کے نام سے بھی جانا جاتا ہے۔ یہ ہمارے گرو کو یاد رکھنے کا دن ہے جس نے ہمیں علم دیا۔ اسی جذبے سے ہم بھگوان بدھ کو خراج عقیدت پیش کرتے ہیں۔ بھگوان بدھ کا راستہ کئی سارے معاشروں اور دنیا کے ممالک کی فلاح و بہبود کی راہ دکھاتا ہے۔ اس سے شفقت اور احسان کی اہمیت کی وضاحت ہوتی ہے۔ بھگوان بدھ کی تعلیمات فکر اور عمل دونوں میں کام آتی ہے۔
قبل ازیں صدر رام ناتھ کووند نے راشٹرپتی بھون سے دھم چکرا کے موقع پرپروگرام کا افتتاح کیا۔انہوں نے کہا کہ آج دنیا غیر معمولی چیلنجوں کا مقابلہ کر رہی ہے۔ ان چیلنجوں کا حل بھگوان بدھ کے نظریات سے مل سکتا ہے۔