بنگلورو، 9؍ستمبر    (ایس او نیوز/ایجنسی )   کرناٹک حکومت  جلد ہی بینک ملازمین کےلئے کنڑا زبان سیکھنا اور مقامی لوگوں سے اس زبان میں بات چیت کرنا لازمی قرار دے سکتی ہے۔

اس اقدام کو کنڑا زبان کو لازمی بنانے کے دیرینہ مطالبہ کو حل کرنے کی ایک کوشش کے طور پرسمجھا جاتا ہے ۔ ریاست کے بہت سے باشند وں کو کنڑا کے علاوہ دیگر زبانوں میں بینک ملازمین کے ساتھ بات چیت کرنے میں مشکل پیش آتی ہے۔

پچھلی  بی جے پی حکومت نے اس سال مارچ کنڑا زبان کا جامع ترقیاتی بل 2022 منظور کیا تھا، جس کا مقصد سرکاری دفاتر میں کنڑا زبان کو فروغ دینا تھا۔ تا ہم اس بل پر عمل در آمد نہیں ہوسکا۔

کنڑا ڈیولپمنت اتھارٹی کے سکریٹری سنتھوش ہنگل نے اس بارے میں بتایا کہ ریاست حخموت جلد ہی اس معاملے میں ایک سرکاری نوٹیفکیشن جاری کرسکتی ہے۔