کرناٹکا کے مدرسوں کے نصاب میں شامل ہونگے کنڑا، انگلش، حساب اورسائنس کے مضامین
بینگلورو 8 / دسمبر (ایس او نیوز) کرناٹکا کے وزیر اعلیٰ سدارامیا نے اعلان کیا ہے کہ کرناٹکا میں جو رجسٹرڈ مدرسے ہیں وہاں پر کنڑا، انگلش کے علاوہ حساب اور سائنس کے مضامین کو دو سال کے لئے تجرباتی بنیاد پرنصاب میں شامل کیا جائے گا ۔
وزیر اعلیٰ نے سوشیل میڈیا پلیٹ فارم x پر لکھا :" جو طلبہ وقف املاک پر اور وقف اداروں کے ذریعے چلائے جا رہے رجسٹرڈ مدرسوں میں تعلیم حاصل کر رہے ہیں انہیں مسلسل دو سال تک کنڑا، انگلش، حساب اور سائنس اور دیگر مضامین کی تعلیم دی جائے گی ۔ جس کے بعد انہیں نیشنل اوپن اسکولس کے ذریعے ایس ایس ایل سی اور پی یو سی کے امتحانات لکھنے کا موقع دیا جائے گا ۔ اس ضمن میں حکم نامہ جاری کیا جا چکا ہے ۔"
ریوینیو منسٹر کرشنا بائرے گوڈا کے بیان کے مطابق ابتدائی طور پر ایک سو مدرسوں کے نصاب میں جدید مضامین کی شمولیت کا تجربہ کیا جائے گا ۔