کمٹہ :22؍اپریل(ایس اؤ نیوز)گھریلو طورپر میاں بیوی کے درمیان ہوئی معمولی جھڑپ کے چلتے  شوہرنے اپنی بیوی کا ہی  قتل کردیا ۔ یہ  واقعہ کمٹہ تعلقہ کے  اُپِّن پٹن دیہات میں پیش آیا ہے۔

مقتولہ کی شناخت ممتا شانبھاگ (36) کے طورپر کی گئی ہے۔ قاتل کی شناخت شوہر منجوناتھ شانبھاگ بتائی گئی ہے۔ منگل کی رات شوہر منجوناتھ نے  تولیہ کی مدد سے  گلہ  گھونٹ کر بیوی ممتا کا  قتل  کردیا پھر خود  پولس تھانہ پہنچ کر شکایت درج کروائی کہ اس کی بیوی نے خود کشی کرلی ہے۔

اس سلسلے میں ممتا کے میکے والوں نے شوہر منجوناتھ پر شبہ ظاہر کیا تو پولس نے سختی  کے ساتھ  پوچھ تاچھ کی ۔جس پر شوہر منجوناتھ نے خود  ہی اپنی بیوی کاگلہ دبا کر قتل کئے جانے کی  بات کو قبول کیا ۔ کمٹہ پولس تھانے میں کیس درج کرلینے کے بعد جانچ جاری ہے۔