اڈپی - چکمگلورو حلقے میں عمر رسیدہ افراد، معذورین نے اپنے گھر سے کی ووٹنگ
اڈپی، 18/ اپریل (ایس او نیوز) جسمانی طور پر معذوری اور عمر رسیدگی کی وجہ سے پولنگ اسٹیشن تک جا کر ووٹ ڈالنا ممکن نہ ہونے کی وجہ سے 1,407 معذورین اور 85 سال سے زیادہ عمر کے 4,512 افراد نے کرنے کے بجائے اپنے گھر سے ہی ووٹنگ کی سہولت کا فائدہ اٹھایا ۔
اسسٹنٹ الیکشن آفیسر اور ایڈیشنل ڈی سی ممتا دیوی نے بتایا کہ جملہ 6,100 افراد نے گھر سے ووٹ ڈالنے کی خصوصی رعایت سے فائدہ اٹھایا ۔
دکشن کنڑا میں گھر سے ووٹنگ : دکشن کنڑا سے ملی اطلاعات کے مطابق اس خصوصی رعایت کا فائدہ اٹھاتے ہوئے گزشتہ تین دنوں کے اندر 5878 عمر رسیدہ افراد نے اور 1929 جسمانی معذورین نے اپنے گھر سے ہی حق رائے کا استعمال کیا ۔ یہاں تین دن تک انتخانی ڈیوٹی پر مامور افسران نے خصوصی رعایت والے ووٹرس کے گھر گھر جا کر ان سے ووٹ پول کروانے کی ذمہ داری انجام دی ۔