چھتیس گڑھ میں کورونا مریضوں کے لئے ہوم آئیسولیشن کا انتظام، ایس ایم ایس کے ذریعہ ملے گی معلومات
رائے پور،09/ستمبر(ایس او نیوز/ آئی این ایس انڈیا) کورونا وائرس کے مسلسل بڑھ رہے کیسز کے درمیان چھتیس گڑھ کی حکومت نے دہلی میں کامیابی حاصل کرنے والے ہوم آئیسولیشن نہ صرف اپنایا ہے بلکہ اس میں اضافہ بھی کیا جارہا ہے۔
اس کے لیے باقاعدہ ایک ویب سائٹ تیار کی گئی ہے۔ حال ہی میں وزیر اعلی بھوپش بگھیل نے کہا تھا کہ بغیر علامات اور کم علامات والے مریضوں کا علاج ہوم آئیسولیشن رکھ کر کیجیے جانے کا فیصلہ کیا گیا ہے۔ جس کے تحت انتظامیہ نے سب سے پہلے ایک ویب سائٹ جاری کی ہے جس کا لنک https://homeisolation.cgcovid19.inہے۔ اس لنک پر کلک کرنے سے ہوم آئیسولیشن کے پورے عمل سے متعلق معلومات ملیں گی۔
واضح رہے کہ دارالحکومت میں پوزیٹیو پائے شخص کے موبائل پر ایک ایس ایم ایس آئے گا۔ جس میں کا ویب سائٹ کالنک ہوگا۔ لنک پر کلک کرنے کے ساتھ ہی اس شخص کو ویب سائٹ پر اپنا اندراج کروانا ہوگا۔ جہاں اس شخص سے نام،پتہ کنبہ کے ممبروں کی تعداد، ڈاکٹر سے متعلق معلومات کے بارے میں پوچھا جائے گا۔پوزیٹیو شخص جب ویب سائٹ پر ساری معلومات اپلوڈ کر دے گا، تب اس شخص کے پاس ایک ایس ایم ایس آئے گاکہ اس شخص کو ہوم آئیسولیشن کی اجازت دی گئی ہے یا نہیں۔
حکومت کی جانب سے اٹھایا گیا یہ قدم ان لوگوں کو کافی راحت دینے والا ہے جنہیں ہوم آئیسولیشن کی اجازت کے لینے کے لیے ڈاکٹر کا پرچہ لے کر اہلکاروں کے دفاتر جانا پڑتا تھا۔پوزیٹیومریض کو آئیسولیشن کی اجازت ملنے ساتھ مکان کو ویریفائی کیا جائے گا۔واضح رہے کہ میونسپل کارپوریشن، صحت اور ضلعی انتظامیہ کو مختلف قسم کی ذمہ داریاں تفویض کی گئی ہیں۔ جو متاثرہ شخص کے گھر کو ویریفائی کرنے سے لے کر مریض کو دوائی دینے تک ذمہ داری ادا کریں گے۔ یہی نہیں بلکہ مریض سے ملنے کا سسٹم بھی طے کیا گیا ہے۔
ہوم آئیسولیشن میں رہنے والے مریض کو اگرکوئی پریشانی ہوتی ہے تو وہ ڈاکٹروں سے فون یا ویڈیو کال کے ذریعے مشورہ لے سکتا ہے۔ اس کے لئے تین نمبر جاری کیے گئے ہیں - 7566100283، 7566100284 اور 7566100285 ان موبائل نمبروں کو کسی بھی وقت کال کیا جاسکتا ہے۔