بینگلورو سمیت ریاست بھر میں زبردست بارش؛ کئی پل اور سڑکیں زیر آب، 11 اضلاع میں شدید بارش کی پیش گوئی
بینگلورو، 24/جولائی (ایس او نیوز/ایجنسی) بینگلورو سمیت ریاست بھر میں بارش سلسلہ جاری ہے۔ کئی مقامات پر بارش کی وجہ سے عوام کے لیے مشکلات بھی پیدا ہوگئی ہیں۔ اُتر کنڑا ضلع میں بھی بھاری بارش جاری ہے۔ مضافات میں واقع مہاما یا مندر سیلاب کی زد میں آگیا ہے۔ دریائے کالی اور کڑا ڈیم اوور فلو ہورہے ہیں۔ ڈیم سے پانی چھوڑاجارہاہے۔ جس کی وجہ سے آس پاس رہنے والے لوگوں کو سیلاب کا خطرہ لاحق ہے۔ دھارواڑ تعلقہ میں امبالی کو پا کے قریب ایک پل ڈوب گیا ہے۔ بیدتی تالاب بارش کی وجہ سے لبریز ہوگیاہے، وہاں پانی بھر نے سے اکثر پل زیر آب آگئے ہیں۔
ذرائع سے ملی اطلاع کے مطابق چکمگلورو ضلع کے کئی مقامات پر موسلادھار بارش ہورہی ہے۔ شرینگری شہر میں بارش نے افراتفری مچادی ہے۔ شرینگری مندر کے قریب گاندھی میدان مکمل طور پر پانی میں ڈوبا ہوا ہے۔ کچھ سڑکیں پانی میں ڈوبی ہوئی ہیں۔ ندی کا پانی دکانوں میں داخل ہونے سے افراتفری مچ گئی۔ شرینگری مندر کے گاندھی میدان کے قریب کی دکانوں کو منتقل کردیا گیا ہے۔ تعلقہ انتظامیہ نے احتیاطی تدابیر کے طور پر دکانیں ہٹانے کی ہدایت دی ہے۔ مندر کے آس پاس کے مزید علاقے سیلاب کے خطرے کی زد میں ہیں۔ مغربی گھاٹ کے علاقے میں گرج چمک کے ساتھ مسلسل بارش ہورہیا ہے۔ ملا پربھا ندی خطرے کی سطح سے باہر بہہ رہی ہے۔ ملا پربھا ندی پر پل کے پاس لینڈ سلائیڈنگ ہوگئی ۔بیلگاوی ضلع کے کھانہ پورہ تعلقہ کے پرشیواڈا گاؤں میں بھی بے چینی بڑھ گئی ہے۔ پیر شواڈا گاؤں کا پل جو ہیر یمنا ہلی گرام سمیت 30 گاؤں کو جوڑتا ہے پانی میں ڈوب گیا ہے ۔ گوڈا گو ضلع میں بارش ہورہی ہے۔ مورنا ڈو۔ ناپو کلو روڈ منقطع ہے۔ سنتی کو پا ماڈو پور روڈ کے درمیان میں ایک درخت گرگیا ہے۔ آندھی اور بارش کے باعث بجلی کے کمبے اکھر گئے ۔ کوڈاگو ضلع کے بیشتر دیہاتوں میں بجلی متفقطع ہوگئی ہے۔
گزشتہ 24 گھنٹوں میں شیموگہ کے مانی آباد ذخیرہ علاقے میں ریاست میں سب سے زیادہ 22 ملی میٹر بارش ہوئی ہے۔ گزشتہ تین دنوں سے شیموگہ ضلع سمیت پڑوسی اضلاع میں مسلسل بارش ہور ہی ہے۔ مسلسل بارش کے نیتجے میں تمام ندیاں زیر آب آگئی ہیں۔ رپورٹ کے مطابق دریائے تنگا شرینگری، کوپا، آگمبے جیسے تنگا طاس کے علاقوں میں طوفانی بارشوں کی وجہ سے خطرناک سطح پر بہت رہا ہے۔ تنگا ڈیم بھر گیا ہے اور آبی ذخائر سے اضافی پانی چھوڑا جرہا ہے۔ ریاست بھر میں بارشوں کی وجہ سے قحط و خشک سالی کا معاملہ ٹل گیا ہے۔
دریں اثنا محکمہ موسمیات نے اگلے 24 گھنٹوں میں ریاست کے 11 اضلاع میں موسلادھار بارش کی پیش گوئی کی ہے۔ ان 11 اضلاع میں بیلگاوی، ہاویری، دھارواڑ، اُتر کنڑا، داونگیرے، شیموگہ، ہاسن، چکمگلورو، کوڈا گو، دکشن کنڑا اور اڈپی شامل ہے۔
باگل کوٹ ، چترادرگہ، گدگ اور میسورو، بینگلورو دیہی، کولار، چکبالاپور، بیلگاری، وجئے نگر، رائچور، چامراج نگر اور منڈیا میں ہلکی بارش ہونے کا امکان ہے۔ کلبرگی میں غیر معمولی بارش کا امکان ہے۔