ہریانہ-مہاراشٹر اسمبلی انتخابات کی تیاری میں مصروف الیکشن کمیشن، لکھا خط
نئی دہلی،20/جولائی (ایس او نیوز/آئی این ایس انڈیا)ہریانہ اور مہاراشٹر میں اسمبلی انتخابات اکتوبر میں ہونے ہیں۔اس کے لئے الیکشن کمیشن نے تیاریاں شروع کر دی ہیں۔کمیشن نے دونوں ریاستوں کی حکومتوں کو خط لکھ کر تیاریاں شروع کرنے کو کہا ہے۔ذرائع کا کہنا ہے کہ الیکشن کمیشن ان دونوں ریاستوں کے ساتھ ہی جھارکھنڈ اور جموں و کشمیر اسمبلی کے لئے بھی انتخابات ساتھ کرنے کے اختیارات پر بھی غوروفکر چل رہا ہے۔اس سلسلے میں کمیشن کے جلد ہی فیصلہ کر لینے کی امید ہے۔الیکشن کمیشن کے ریکارڈ کے مطابق ہریانہ میں 90 اراکین والی اسمبلی کی مدت 2 نومبر کو مکمل ہو رہی ہے۔وہیں مہاراشٹر کی 288 رکنی اسمبلی کا آخری دن 11 نومبر ہے۔ان دونوں ریاستوں کی اسمبلی کی مدت مکمل ہونے میں چار ماہ سے بھی کم رہنے سے کمیشن نے دونوں ریاستوں کے چیف سکریٹری اور چیف الیکشن حکام کو خط لکھا ہے۔خط میں دونوں ریاستوں کو 31 اکتوبر تک انتخابی عمل مکمل ہونے کے لحاظ سے ہی انتخابی تیاری کرنے کی ہدایات دی گئی ہیں۔الیکشن کمیشن کو نومبر سے پہلے ہریانہ، مہاراشٹر اور اگلے سال فروری 2020 تک جموں و کشمیر، جھارکھنڈ اور دہلی اسمبلی کے انتخابات بھی کرانے ہیں۔ہریانہ، مہاراشٹر اور جھارکھنڈ میں بی جے پی کی حکومت ہے۔دہلی میں آپ کی حکومت ہے، جبکہ جموں و کشمیر میں اسمبلی تحلیل صدر راج لگائے جانے سے پہلے بی جے پی حکومت میں اتحادی تھی۔کمیشن میں اپنے خط میں ہریانہ اور مہاراشٹر کے چیف سکریٹری اور سی ای او کو باقاعدہ ہدایتیں اور احتیاطی اقدامات کرنے کی ہدایات دی ہیں۔کمیشن نے ہدایت دی کہ انتخابات ڈیوٹی میں تعینات کئے جانے والے کسی بھی افسر کی تعیناتی موجودہ ضلع میں نہ ہو۔کسی بھی ضلع میں اکتوبر تک تین سال کی مدت مکمل کر چکے افسر کا فورا تبادلہ کر دیا جائے۔انتخابات یا ضمنی انتخاب کے دوران کسی ضلع یا بلاک میں تعینات رہے ڈی یو،آراو کو بھی خارج کر دیا جائے۔انتخابی تعیناتی کا یہ اصول پولیس انسپکٹروں اور سب انسپکٹروں پر بھی لاگو ہوگا۔اس اقدام کے بعد کمیشن کا دورہ، سی ای او اور چیف سیکرٹریوں کے ساتھ میٹنگ کرکے سیکورٹی اور دیگر ضروری تیاریوں کا جائزہ لینے کے ساتھ ہی مبصرین کی تقرریاں شروع ہوں گی۔