گواکے نئے وزراء کو دی جائے گی وزارت، چندرکانت کاولیکرہوں گے نائب وزیراعلیٰ
پنجی، 14 جولائی(ایس او نیوز/آئی این ایس انڈیا) گواکے وزیر اعلیٰ پرمود ساونت نے اتوار کو کہا کہ ریاست کابینہ میں شامل چار نئے وزراء کو پیر کو ان کی وزارت سونپی جائے گی۔ ساونت نے کہا کہ ماضی میں اپوزیشن کے لیڈر رہے چندرکانت کاولیکر کو نائب وزیر اعلی کے طور پر نامزد کیا جائے گا، لیکن انہوں نے کوئی اور معلومات دینے سے انکار کر دیا۔ریاست اسمبلی کا مانسون سیشن پیر کو آغاز ہوگایہ پوچھے جانے پر کہ نئے وزیر ایوان میں سوالوں کے جوابات کس طرح دے پائیں گے تو ساونت نے کہاکہ میں ان کی مدد کروں گا۔گوا میں 10 کانگریس ممبران اسمبلی کے بی جے پی میں شامل ہونے کے کچھ دنوں بعد ساونت نے ہفتہ کو اپنی کابینہ میں ردوبدل کیا تھا۔انہوں نے کابینہ میں تبدیلی کے لئے معاون جماعت گوا فارورڈ پارٹی (جی ایف پی) کے تین ارکان اور ایک آزاد امیدوار رکن کو وزیر کے عہدے سے ہٹا دیا تھا۔گوا اسمبلی کے نائب صدر کے عہدے سے استعفی دینے والے مائیکل لوبو اور بی جے پی میں شامل ہونے والے 10 میں سے تین ممبران اسمبلی چندرکانت کاولیکر، جینیفر مونسیراتے اور فلپ روڈری گیز نے نئے وزراء کے طور پر حلف لیا تھا۔حلف برداری سے پہلے وزیر اعلی نے ایک نوٹیفکیشن جاری کیا تھا۔نوٹیفکیشن کے مطابق چار وزراء- نائب وزیر اعلی وجے سردیسائی، آبی وسائل کے وزیر ونود پالیکر، دیہی ترقی کے وزیر جییش سال گاؤنکر(تمام جی ایف پی ممبر اسمبلی) اور آمدنی وزیر روہن کھنٹے (آزاد) کو کابینہ سے ہٹا دیا گیا تھا۔کانگریس کے 10 ممبران اسمبلی بدھ کو بی جے پی میں شامل ہوئے تھے۔اس کے ساتھ ہی 40 رکنی ایوان میں بی جے پی کے ممبران اسمبلی کی تعداد بڑھ کر 27 ہو گئی ہے۔