پٹنہ،27/ مئی (ایس او نیوز/آئی این ایس انڈیا)  بہار سے 17 ویں لوک سبھا کے لئے منتخب کئے گئے 40 ممبران پارلیمنٹ میں ریاستی لیجسلیٹرکے آٹھ رکن شامل ہیں۔ان میں سے تین وزیر اعلیٰ نتیش کمار کی کابینہ کا حصہ ہیں۔رکن پارلیمان منتخب ہوئے آٹھ افراد میں سے پانچ اسمبلی جبکہ تین قانون ساز کونسل کے رکن ہیں۔دو ایم ایل کونسلر جد (یو) کے راجیو رنجن سنگھ عرف للن سنگھ اور ایل جے پی کے پشوپتی کمار پارس بہار کابینہ کے رکن ہیں۔لوک سبھا انتخابات میں للن سنگھ مونگیر سیٹ سے جیتے ہیں جبکہ پارس اپنے بھائی اور ایل جے پی سربراہ رام ولاس پاسوان کی سیٹ حاجی پور سے ممبر پارلیمنٹ بنے ہیں۔وہیں کابینہ کے تیسرے رکن جد (یو) کے دنیش چندر یادو سہرسہ ضلع میں سمری بختیار پور سے رکن اسمبلی ہیں۔انہوں نے مدھے پورا پارلیمانی حلقہ سے الیکشن جیتا ہے۔اس سیٹ سے انہوں نے دو سابق فوجیوں آر جے ڈی کے شرد یادو اور پپو یادو کو شکست دی ہے۔جہان آباد پارلیمانی حلقہ سے ایم ایل سی چندیشور پرساد چندرونشی نے کامیابی حاصل کی ہے۔حالانکہ انہوں نے تقریباً1,000ووٹوں کے فرق سے ہی جیتے ہیں۔ بہار سے پارلیمنٹ پہنچنے والی ایک اور رکن اسمبلی ہیں جنتا دل (یو) کی کویتاسنگھ وہ سیوان پارلیمانی حلقہ سے منتخب کی گئی ہیں۔ 33 سالہ سنگھ ریاست سے منتخب ہونے والی سب سے کم عمر کی ایم پی ہیں۔پارلیمنٹ پہنچنے والے جنتا دل (یو) کے دیگر دو رکن اسمبلی ہیں۔گردھاری یادو اور اجے منڈل۔یہ لوگ بالترتیب بانکا اور بھاگلپور سے منتخب ہوئے ہیں۔اتنا ہی نہیں کشن گڑھ سے کانگریس ممبر اسمبلی محمد جاوید بھی پارلیمنٹ پہنچے ہیں۔