نئی دہلی،3؍جولائی(ایس او نیوز؍آئی این ایس انڈیا) دہلی میں کانگریس دفتر کے باہر ایک کارکن نے خود کشی کرنے کی کوشش کی ہے-کارکن جیسے ہی پھانسی لگانے جا رہے تھا، وہاں پر موجود لوگوں نے اسے پکڑ لیا-اس دوران کارکن نے کہا کہ کانگریس صدر راہل گاندھی کو اپنا استعفیٰ واپس لینا چاہئے، دوسری صورت میں خود کشی کر لوں گا-راہل گاندھی کانگریس صدر عہدے پر بنے رہیں، اس مانگ کو لے کر منگل کو پارٹی ہیڈ کوارٹر کے باہر سینکڑوں کی تعداد میں کانگریس کارکنوں نے مظاہرہ کیا-مظاہرین میں وہ لوگ بھی شامل تھے جنہوں نے راہل گاندھی کے ساتھ یکجہتی دکھانے کے لئے اپنے عہدوں سے استعفیٰ دے دیا ہے-مظاہرہ کرنے والوں میں دہلی کے پارٹی لیڈر راجیش للوتھیا، شوبھا اوجھا اور جگدیش ٹائٹلر شامل رہے-للوتھیا نے نے کہاکہ ہمارا مطالبہ ہے کہ راہل گاندھی کو اپنے عہدے پر بنے رہنا چاہئے-انہوں نے کہا کہ لوک سبھا میں شکست کی ذمہ داری پارٹی کے تمام لیڈران کی ہے اور گاندھی کو اکیلے مجرم نہیں ٹھہرایا جا سکتا-اس سے ایک دن پہلے ہی پانچ کانگریس حکومت والی ریاستوں کے وزرائے اعلی نے راہل سے ملاقات کی تھی اور ان سے درخواست کی تھی کہ وہ کانگریس صدر کے طور پر پارٹی کی قیادت کریں -