گردابی طوفان وایو کا خطرہ ٹلا؛ گجرات کی طرف بڑھنے والے طوفان نے رُخ بدل دیا؛ ساحلی علاقوں میں بھاری آندھی اور بارش کا خطرہ ابھی بھی برقرار

Source: S.O. News Service | By I.G. Bhatkali | Published on 13th June 2019, 2:48 PM | ملکی خبریں |

احمدا ٓباد 13/جون (ایس او نیوز)   گردابی طوفان  وایو کو لے کر گجرات پر چھائی مصیبت تھوڑی بہت کم ہوگئی ہے کیونکہ محکمہ موسمیات نے خبر دی ہے کہ 150 سے زیادہ کی رفتار سے  گجرات  کی طرف  بڑھ رہےگردابی طوفان وایو نے اپنا رُخ بدل دیا ہے۔ مانا جارہا ہے کہ  اب  یہ طوفان  گجرات کے ساحل کو چھو کر نکل جائے گا۔ حالانکہ  خطرہ ابھی پوری طرح ٹلا نہیں ہے، مگر کہا گیا ہے کہ  گردابی طوفان  پور بندر دوارکا کے پاس سے گذرے گا، جس سے ان علاقوں میں بھاری آندھی اور بارش ہوگی۔

گجرات سرکار کے   ایڈیشنل سکریٹری پنکج کمار نے  جانکاری دیتے ہوئے کہا کہ  گردابی طوفان کی وجہ سے ابھی تک کسی کے زخمی ہونے یا مارے جانے کی کوئی خبر نہیں ہے، اسی طرح  گردابی طوفان کا فی الحال گجرات کے ہوائی اڈوں پر کوئی اثر نہیں پڑا ہے، سورت، بھُج ، کیشود، کانڈلا، جام نگر، بڑودرا، احمد آباد میں  حالات  نارمل ہیں، دیو ، پوربندر اور بھاونگر کے ہوائی اڈوں پر 30-40 کلو میٹر فی گھنٹہ کی رفتار سے ہوا ئیں چل رہی ہے، حالات پر باریکی سے نظر رکھی جارہی ہے۔

گجرات سرکار نے  حالات سے نپٹنے کے لئے  جنگی پیمانے پر تیاریاں کی ہیں اس دوران  این ڈی آر ایف کی 52 ٹیموں کو تعینات کیا گیا ہے۔ ساتھ ہی  فوج کے تینوں شعبوں  کے ساتھ ساتھ کوسٹ گارڈ کو بھی الرٹ پر رکھا گیا ہے۔ پولس اور ریاستی سرکار کے اعلیٰ حکام لگاتار گردابی طوفان کی  نگرانی کررہے ہیں، طوفان کی رفتار 135 سے 145 کلو میٹر فی گھنٹہ بتائی جارہی ہے۔ لیکن  اس کی رفتار 160-170 کلو میٹر فی گھنٹہ بڑھنے کا بھی امکان ہے۔ ویسے تو  گردابی طوفان کا گجرات کے ساحل سے ٹکرانے کا خطرہ ٹل  گیا ہے لیکن  سرکار و راحت رسانی کی ٹیموں نے  15 جون تک لوگوں کو  الرٹ رہنے کی ہدایت دی ہے۔

گردابی طوفان  کے چلتے مہاراشٹرا کے کوکن حصوں کے سبھی  سمندری ساحل کو عوام کے لئے بند کردیا گیا ہے۔

خیال رہے کہ گردابی طوفان کے ٹکرانے سے پہلے ہی  کئی جگہوں پر اس کا اثر بھی دیکھنے کو مل رہا ہے۔ سمندری موجوں میں زبردست بھونچال آیا ہوا ہے اور لہریں کافی اونچی اُٹھتی  ہوئی  ساحل سے تیز رفتاری کےساتھ ٹکرارہی ہیں۔

خیال رہے کہ  محکمہ موسمیات نے  اس بات کا خدشہ ظاہر کیا تھا کہ  گردابی طوفان وایو  گجرات کے ساحل سے ٹکرائے گا لیکن اب  یہ دن میں دوپہر بعد سوراشٹرا حصے سے ہوکر گذرے گا، محکمہ موسمیات کی آفسر منورما موہانتی نے بتایا کہ  اب گردابی طوفان  گجرات کے ساحل پر دستک نہیں دے گا البتہ یہ طوفان ویراول، دوارکا، پور بندر کے پاس سے  ہوکر گذرے گا۔

 

گردابی طوفان وایو پر اس سے قبل شائع رپورٹ

’وایو‘ نامی طوفان گجرات کے ساحل سے 175 فی کلومیٹر کی رفتار سے ٹکرانے کا خدشہ؛ چار لاکھ لوگ محفوط مقامات کی طرف منتقل؛ ائرپورٹ بند، ریلوے سروس معطل

 

 

ایک نظر اس پر بھی

روی داس مندر گرائے جانے کے خلاف دلت کمیونٹی کے ہزاروں لوگوں نے کیامظاہرہ

شہر میں حال ہی میں ایک روی داس مندر کو گرائے جانے کی مخالفت میں ملک کے مختلف حصوں سے آئے دلت کمیونٹی کے لوگوں نے ہاتھوں میں نیلے رنگ کے جھنڈے لے کر جھنڈے والان سے رام لیلا میدان تک بدھ کو احتجاجی مظاہرہ کیا۔

خواتین اور نابالغ لڑکیوں کے ساتھ جنسی استحصال کے الزام میں ایک اور بابا گرفتار

ہندوستان کے کئی مشہور و معروف بابا خواتین کے ساتھ جنسی استحصال اور نابالغوں کے ساتھ مبینہ طور پر عصمت دری کے الزام میں یا تو گرفتار کر لیے گئے ہیں یا پھر انھیں گرفتار کرنے کا حکم جاری ہو چکا ہے۔

این ڈی ٹی وی کے بانیان کے خلاف سی بی ائی نے نیا مقدمہ درج کیا‘ چیانل نے کاروائی کو ”مضحکہ خیز“ قراردیا

ایف ائی آر میں دعوی کیاگیا ہے کہ ٹی وی چیانل نے 2004اور2010کے درمیان جورقم اکٹھا کی ہے وہ ”وہ ایک بدنام لین دین کی ایک جال کے ذریعہ نامعلوم سرکاری عہدیدیروں کے پیسے کو لانے میں اعتراض ہے“