دہلی میں پھر سے کورونا وائرس کے مریضوں میں اضافہ، شفایابی کی شرح میں بہتری

Source: S.O. News Service | Published on 10th August 2020, 12:09 PM | ملکی خبریں |

نئی دہلی،10؍اگست (ایس او نیوز؍ایجنسی) قومی راجدھانی دہلی میں کورونا وائرس کے نئے مریضوں میں پھر سے اضافہ ہونے سے لوگوں کے خدشات بڑھنا شروع ہوگئے ہیں، لیکن راحت کی بات یہ ہے کہ اتوار کے روز مریضوں کی شفایابی کی شرح میں بہتری ریکارڈ کی گئی ہے۔

رواں ہفتے کے آغاز میں نئے معاملے ایک ہزار سے کم آنے اور صحت یاب ہونے والے لوگوں کی تعداد زیادہ ہونے سے راحت نظر آنے لگی تھی، لیکن اب پھر سے کورونا وائرس کے مریض بڑھ رہے ہیں اور اس کے مقابلے صحت یاب ہونے والے افراد کی تعداد کم رہنے سے شفایابی کی شرح پر بھی اثر پڑا ہے۔ دہلی کی وزارت صحت کی طرف سے کل جاری ہونے والے اعداد و شمار کے مطابق گزشتہ 24 گھنٹے کے دوران 1300 نئے متاثرین کی رپورٹ آنے سے دہلی میں کورونا وائرس سے متاثرہ مریضوں کی کل تعداد 1،45،427 ہوگئی۔

اس مدت کے دوران 1225 مریضوں کے شفایاب ہونے سے کورونا وائرس کو شکست دینے والے مریضوں کی کل تعداد 1،30،587 ہوگئی۔دہلی کا شمار ملک کی سب سے زیادہ شفایابی شرح والی ریاستوں میں ہوتا ہے۔ دہلی کی شفایابی کی شرح معمولی بڑھ کر 89.79 فیصد ہوگئی جو گزشتہ روز 89.75 تھی۔

دہلی میں کورونا وائرس کے انفیکشن سے ہونے والی اموات کی تعداد آج 11 تھی اور دارالحکومت میں اس مہلک وائرس نے اب تک 4111 افراد فوت ہوئے ہيں۔

دارالحکومت میں ممنوعہ علاقوں کی تعداد آج کم ہوکر 472 ہوگئی۔ دہلی میں زیر علاج مریضوں کی تعداد گزشتہ روز کی 10،667 سے بڑھ کر 10،729 ہوگئی ہے۔ ان میں سے 5462 متاثرہ افراد گھر پر قرنطینہ میں ہیں۔ دارالحکومت کے مختلف اسپتالوں میں 13،527 بستروں میں سے 10،443 خالی ہیں اور اسپتالوں میں 3084 کورونا مریض زیر علاج ہیں۔

گزشتہ 24 گھنٹے کے دوران 23،787 نمونوں کی جانچ کی گئی۔ ابھی تک دہلی میں کورونا وائرس کے 11،92،082 نمونوں کی جانچ کی جاچکی ہے اور دس لاکھ کی آبادی میں اوسطا ٹیسٹ 62،141 سے تجاوز کرگیا ہے۔

ایک نظر اس پر بھی

ایردوآن نے یو این میں اٹھایا مسئلہ کشمیر، ’اندرونی معاملات میں دخل نہ دے ترکی‘ انڈیا کی تاکید

 جموں و کشمیر کے حوالہ سے اقوام متحدہ کی جنرل اسمبلی میں ترکی کے صدر رجب طیب اردوآن کے بیان پر اقوام متحدہ میں ہندوستان کے مستقل نمائندہ ٹی ایس ترومورتی نے سخت احتجاج کرتے ہوئے کہا ہے کہ ترکی کو دوسرے ممالک کی خودمختاری کا احترام کرنا سیکھنا چاہئے۔

ممبئی میں طوفانی بارش سے سیلابی صورتحال، عام زندگی مفلوج، متعدد رہائشی کالونیاں زیر آب

ملک کی تجارتی راجدھانی ممبئی میں گزشتہ شب سے جاری بھاری بارش کی وجہ سے سیلابی صورتحال پیدا ہوگئی ہے۔ ستمبر کے مہینے میں اس طرح کی بارش نے ایک بار پھر شہر کی عام زندگی کو مفلوج کرکے رکھ دیا ہے۔