کشمیر: کورونا میں مبتلا مزید 8 کی موت، اموات کی مجموعی تعداد 115 ہوئی
سری نگر، 2؍جولائی (یو این آئی) وادی کشمیر میں مختلف اضلاع سے تعلق رکھنے والے 8 کورونا متاثرین کی موت واقع ہونے کے ساتھ جموں و کشمیر میں اب تک اس وائرس سے انتقال کرنے والوں کی تعداد بڑھ کر115 ہوگئی ہے۔
وادی میں جمعرات کو رپورٹ ہونے والی آٹھ اموات میں سے چار مریضوں نے شیر کشمیر انسٹی ٹیوٹ آف میڈیکل سائنسز (سکمز) صورہ، تین مریضوں نے مہاراجہ ہری سنگھ ہسپتال اور ایک نے ہسپتال برائے امراض سینہ میں اپنی زندگی کی آخری سانسیں لیں۔
مقامی خبر رساں ایجنسی جی این ایس نے سکمز کے میڈیکل سپرنٹنڈنٹ پروفیسر فاروق جان کے حوالے سے کہا ہے کہ جنوبی ضلع شوپیاں کے نادی گام سے تعلق رکھنے والے 65 سالہ کورونا مریض کی جمعرات کو سہ پہر کے وقت موت واقع ہوئی۔