انتخابات میں کورونا ریلی: اگلے 8دن میں مودی کی 6، امیت شاہ کی 10 اور ممتا کی 17 ریلیاں، بنگال میں 52 دن میں کورونا کے 2663فیصد کیسوں میں ہوا خطرناک اضافہ
نئی دہلی، 18؍اپریل (ایس او نیوز؍ایجنسی) کورونا ملک میں بے قابو ہوچکا ہے۔ روزانہ 2 لاکھ سے زیادہ انفکشن کا شکار ہو رہے ہیں، عوام خوفزدہ ہے۔ حکومت لوگوں کو سماجی فاصلہ اختیار کرنے اور ماسک پہننے کا مشورہ دے رہی ہیں، لیکن انتخابی مہم کے نام پر وہ ازخود ان قوانین کی دھجیاں اڑاتے نظر آتی ہے۔مجموعی اعتبار سے صرف گزشتہ آٹھ دن میں وزیر اعظم نریندر مودی کی 6، وزیر داخلہ امیت شاہ کی 10اور ممتا بنرجی کی 17 ریلیاں ہونی ہیں۔ان بھیڑ کے مہلک نتائج بھی سامنے آرہے ہیں۔
بنگال میں انتخابی مہم شروع ہونے کے بعد سے کورونا انفیکشن میں 2600 فیصد اضافہ ہوا ہے۔کچھ اعداد و شمار پیش کئے جارہے ہیں۔ اسے دیکھ کر، آپ سمجھ سکتے ہیں کہ مغربی بنگال، آسام، کیرلا، پانڈیچری اور تمل ناڈو کی سنگین صورتحال کیلئے لوگ کون اور کیسے ذمہ دار ہیں۔5 ریاستوں میں ابھی صرف مغربی بنگال ہی باقی ہے جہاں تین مرحلے کے انتخابات باقی ہیں۔
وزیر اعظم مودی، وزیر داخلہ امیت شاہ اور وزیر اعلیٰ ممتا بنرجی انتخابی ریلیاں کررہے ہیں۔ ان ریلیوں میں لاکھوں کی بھیڑ بھی ہے۔ 90فیصد لوگ ماسک کے بغیر ہیں سماجی فاصلہ ندارد ہے۔ مودی کے اگلے 8 دن کے اندر یہاں 6 ریلیاں ہونی ہیں، 10 امیت شاہ کی اور 17 ممتا بنرجی کی ہوگی، اس کے علاوہ دوسر ے لیڈروں کی ریلیوں اوراجلاس کی بھی کوئی گنتی نہیں ہے۔
